Марк 9:9 - Бур Юӧр 2019

⁹ Керӧсісь лэдзчытӧнняс Исусыс висьталіс: «Морт Зонлӧн кулӧмись ловзьӧмӧдз адззылӧмныт йылісь некинлӧ эд висьтасьӧ».

Марк 9:9 Mawu Ofanana

Марк 5:43

Исусыс чорыта ӧліс нійӧ, медбы лоӧмыс йылісь некинлӧ эзӧ висьтасьӧ. Сія тшӧктіс нылочкасӧ вердны.

Матвей 12:40

Ионаыс куим ой да куим лун вӧлӧм ыджыт чери кынӧмын. Сідз Морт Зон му сьӧлӧмас куим ой да куим лун чулӧтас.

Лука 24:46

Исусыс велӧтчиссеслӧ висьталіс: «Вежа Гижӧттэзын висьталӧм сьӧрті Кристос-Мездӧтісьлӧ коліс пессьыны-мырсьыны, кувны, куимӧт лунас ─ ловзьыны.

Матвей 27:63

Нія шуӧмась: «Юралісь, миянлӧ тӧдвыланым усис: сія бӧбӧтчисьыс олікас баитіс, куим лун бӧрті пӧ ловзя.

Матвей 16:21

Сія лунсянь Исусыс пондіс велӧтчиссеслӧ висьтавлыны, мый Сыкӧт лоас. Сылӧ пӧ ковсяс мунны Ерусалимӧ, сэтчин уна сьӧкыта пессьыны-мырсьыны бӧрйӧм пӧриссезсянь, аркирейезсянь да Туйдӧтӧ велӧтіссезсянь. Сійӧ виясӧ, но куимӧт лунас Сія ловзяс.

Матвей 12:19

Сія оз етшась, оз горӧт. Сылісь баитӧмсӧ ӧтӧрын он кыв.

Матвей 8:4

Исусыс сылӧ висьталіс: «Видзӧт, некинлӧ нем эн висьтась. Мун, асьтӧ мыччав вежауджалісьлӧ. Моисейыс тшӧктӧм сьӧрті вай езъялан козин. Сысянь пондасӧ тӧдны веськалӧмыт йылісь».

Марк 7:36

Исусыс эз тшӧкты некинлӧ висьтасьны лоӧмыс йылісь. Но кыным унажык Сія ӧліс, сыным ӧддьӧнжык отирыс висьтасисӧ.

Марк 9:8

Сэк жӧ велӧтчиссес дзарнитісӧ, но некинӧс эзӧ казялӧ, Исусыс вӧлі ӧтнас.

Марк 9:10

Нія кывнысӧ видзисӧ, но ӧтамӧдныслісь юасисӧ, кыдз вежӧртны «кулӧмись ловзьӧмсӧ».

Лука 9:36

Нія кыввез бӧрсянь Исусыс кольччис ӧтнас. Сія кадӧ нія некинлӧ эзӧ висьтасьӧ адззылӧмныс йылісь.