44 Адас "гагыс оз кувлы да биыс оз куслы".
Сэсся шульгаланьын сулаліссеслӧ Сія шуас: "Мунӧ Ме дынісь, ёрдӧммез. Мунӧ куслытӧм биӧ, кульлӧ да сы ангеллэзлӧ ӧзтӧм биӧ.
Нія мунасӧ пырся сьӧкыта мучитчӧмӧ, а Ен сьӧрті веськыта оліссес ─ пырся оланӧ».
Ассис зырсӧ Сія видзӧ киас. Гунасӧ Сія весӧтас: шогдісӧ тӧлӧтас да чукӧртас сусекӧ, йикисӧ куслытӧм биын сотас».
Киыт кӧ тэнӧ ылӧтӧ керны умӧльсӧ, орӧт сійӧ. Буржык эд пӧв киаӧн пырны пырся оланас, нежели сюрны кык киаӧн адӧ, куслытӧм биӧ.
Кокыт кӧ тэнӧ ылӧтӧ керны умӧльсӧ, орӧт сійӧ. Буржык тэныт пӧв кокӧн пырны оланас, нежели кык кокаӧн сюрны адӧ.
Адас "гагыс оз кувлы да биыс оз куслы".
Нійӧ мыжьясӧ, пырся кулӧмас иньдасӧ. Нія лоасӧ пыр кежӧ янсӧтӧмӧсь Дӧсвидзись дынісь да Сылӧн югьялан вынісь.
сія пондас юны Еныс лӧгись керӧм сорлавтӧм вина. Сія пондас юны Ен лӧгӧн тырӧм дозісь. Вежа ангеллэс да Дзельыс одзын пондасӧ сійӧ маитны биын да сотчан истӧгын.
А отирсӧ ылӧтлісь кульсӧ шупкасӧ биӧн сотчан истӧгись тыӧ. Сэтчӧ вӧлі шупкӧмась ни вӧрпасӧ да бӧбӧтчись юӧртісьсӧ. Сэтӧн нійӧ пондасӧ маитны ой и лун, пырся-пыр.
Киннэз эзӧ вӧлӧ гижӧмӧсь Олан небӧгас, нійӧ чапкисӧ биа тыӧ.
Поліссес, мӧдӧрӧ ылаліссес, сэрпӧссес, морт вийиссес, кыскасиссес, тшыкӧтчиссес, ас керӧм еннэзлӧ копрасиссес да быдӧс бӧбӧтчиссес сюрасӧ биӧн сотчан истӧгись тыӧ. Сія ─ мӧдпырись кулӧмыс».
