Марк 9:29 - Бур Юӧр 2019

²⁹ Исусыс висьталіс нылӧ: «Эттшӧммесӧ верман вашӧтны дзир Енлӧ кеймӧмӧн да кӧслуналӧмӧн».

Марк 9:29 Mawu Ofanana

Яков 5:15

Веритӧмӧн кеймӧмыс веськӧтас шогалісьсӧ. Дӧсвидзисьыс сійӧ лэбтас. Умӧльӧ кӧ мый керис, сійӧ проститас.

Матвей 17:20

Исусыс висьталіс: «Эдӧ веритӧ да. Ме тіянлӧ быльсӧ висьтала: лоас кӧ тіян веритӧмныт горчига тусь ыжда, сэк тійӧ висьталат сія керӧслӧ: "Татісь вешшы сэтчӧ". Сія вешшас. Сэк тійӧ быдӧс вермат керны!

Ефесын оліссезлӧ 6:18

Эта понда быд кадӧ кеймӧ Еныслӧ. Лоӧ лӧсьӧтчӧмӧсь. Кеймисьӧммезӧн, корӧммезӧн орӧттӧг кеймӧ Лов вынӧн. Кеймӧ Енлӧн быдӧс вежа отир понда.

2 Коринфын оліссезлӧ 12:8

Ме Дӧсвидзисьсӧ куимись кори менӧ сы дынісь мездыны.

2 Коринфын оліссезлӧ 11:27

Уджын вӧлі садь быртӧдз, унаись узьлытӧг, ютӧг, сёйтӧг, унаись кӧслуналі, олі кӧдзытын, пасьтӧг.

Лука 11:26

Сэк мунӧ, сьӧрас вайӧтӧ асся лёкжык сизим сэрпӧсь лолӧс. Сэтчин пырӧны, олӧны. Сія мортлӧ одззаыс сьӧрті лоӧ умӧльжык».

1 Коринфын оліссезлӧ 9:27

Ме ассим вывтырӧс видза, тшӧкта уджавны, медбы мӧдіккезлӧ висьтасьӧмӧ коста ачым вӧлі туяна мортӧн да эг кольччы козинтӧг.

Ап. керӧммез 14:23

Быд вичкуын нія сувтӧтісӧ веськӧтліссезӧс. Кӧслуналӧм да кеймӧм бӧрын веритіссес сетісӧ нійӧ Дӧсвидзись киӧ. Сылӧ эд нія и пондісӧ веритны.

Матвей 12:45

Сэсся корӧ сьӧрас сизим сэрпӧсь лолӧс. Нія сысся лёкжыкӧсь. Быдӧнныс пырӧны овны сэтчӧ. Сэк сія мортлӧ лоӧ одззаысся умӧльжык. Сідз лоас и этія лӧг увтырлӧ!»

2 Коринфын оліссезлӧ 6:5

Миянӧс вартлӧны, вашӧтлӧны да пуксьӧтӧны. Мийӧ садь быртӧдз уджаламӧ, узьтӧг оламӧ, кӧслуналамӧ.

Матвей 17:21

Кӧслунавтӧг да кеймытӧг сэтшӧм сэрпӧсь ловвесӧ вашӧтлыны оз позь».

Марк 9:28

Керкуӧ пырӧм бӧрын Исуслӧн велӧтчиссес Сылісь юалісӧ: «Мыля мийӧ эгӧ вермӧ вашӧтны сэрпӧсь ловсӧ?»

Марк 9:30

Исусыс велӧтчиссескӧт петіс сэтчинісь да муніс Галилеяӧт. Сылӧ коліс, медбы некин эз тӧд Сылісь мунӧмсӧ.