Марк 9:20 - Бур Юӧр 2019

²⁰ Сійӧ вайӧтісӧ Исусыс дынӧ. Кӧр сэрпӧсь лолыс казяліс Исуссӧ, сія зэгнитіс зонкасӧ. Мӧдыс усис му вылас, туплясис да лэдзис ӧмсис быг.

Марк 9:20 Mawu Ofanana

Марк 1:26

Сэк сэрпӧсь лолыс зэгйис мортсӧ, лёкгоршӧн горӧтіс да петіс сы пытшкись.

Лука 4:35

Исусыс ӧмаліс сійӧ, висьталіс: «Чӧв! Пет мортсис!» Сэрпӧсь лолыс уськӧтіс мортсӧ синагога шӧрас да сы пытшкись петіс. Сылӧ умӧльсӧ нем эз кер.

1 Петра 5:8

Олӧ садь юрӧн, пыр лоӧ лӧсьӧтчӧмӧсь. Тіян вылӧ лэбтісисьыс ─ куль. Сія эрзісь лев моз ветлӧтӧ, кошшӧ, кинӧс позьӧ ньылыштны.

Иоан 8:44

Тіян айныт куль, тійӧ керат сы тшӧктӧм сьӧрті. Сія одззасянь ни морт вийись вӧлі. Быльыс дынісь сія ылаліс, и сыын абу быльыс. Сія ассяняс висьталӧ бӧбӧтӧмӧн. Сія эд бӧбӧтчись и бӧбӧтчӧмыслӧн ай.

Лука 9:42

Кӧр зонкаыс пондіс сибӧтчыны Исусыс дынӧ, сэрпӧсь лолыс сійӧ уськӧтіс да пондіс ойтӧлӧн кыскыны. Исусыс ӧліс сэрпӧсь ловсӧ, веськӧтіс зонкасӧ да сетіс айыслӧ.

Лука 8:29

Сэрпӧсь лолыс сідз висьталіс, мыля Исусыс тшӧктіс сылӧ петны сія морт пытшкись. Мортыс ӧддьӧн дыр пессьӧм-мырсьӧм сэрпӧсь ловсянь. Мортсӧ домавлӧмась цеппезӧн, геззэзӧн, медбы сія эз пышшы. Но сія орлавлӧм домӧттэсӧ. Сэрпӧсь лолыс сійӧ вашӧтлӧм кушмуӧ.

Марк 9:26

Сэрпӧсь лов горӧтіс, ойтӧлӧн бура пиньӧвтіс зонкасӧ да петіс. Зонкаыс куйліс шой кодь. Отирыс шуисӧ: «Сія куліс».

Марк 9:18

Кӧр сэрпӧсь лолыс кутӧ сійӧ да чапкӧ му вылас, сэк зонӧ лэдзӧ ӧмсис быг, йирӧ пиннесӧ да тувдӧ. Ме кори тэнчит велӧтчиссетӧ вашӧтны сэрпӧсь ловсӧ, но нія эзӧ вермӧ».

Марк 9:19

Исусыс горӧтчис: «Вериттӧм отир! Кытчӧдз Ме лоа тіянкӧт? Дыр я Меным видзӧтны тіян вылӧ? Вайӧтӧ зонкасӧ Ме дынӧ».

Марк 9:21

Исусыс юаліс зонкаыс айлісь: «Важын я эттшӧмыс сыкӧт лоис?» Сія шуис: «Челядь кадсянь.

Лука 9:39

Сійӧ кутлӧ сэрпӧсь лов. Сія видзчисьтӧг горӧтӧ. Быг петтӧдз сійӧ кыскӧ ойтӧлыс. Сэрпӧсь лолыс зонӧс маитӧ-вартӧ да вӧлись ӧдва лэдзӧ.