Марк 9:12 - Бур Юӧр 2019

¹² Сія нылӧ висьталіс: «Былись, Илляыслӧ ковсяс локны одзжык да быдӧс лӧсьӧтны. А Морт Зон йылісь гижӧм, Сылӧ пӧ ковсяс уна пессьыны-мырсьыны. Сійӧ пӧ ӧддьӧн умӧльтасӧ.

Марк 9:12 Mawu Ofanana

Лука 23:11

Иродыс аслас воиннэзкӧт пӧттӧдз умӧльтіс Исуссӧ, Сійӧ абутӧм туйӧ пуктіс. Сэсся сія тшӧктіс Исуссӧ пасьтӧтны дона басӧк паськӧмӧ да бӧр ыстіс Пилатыс дынӧ.

Лука 1:76

Тэнӧ, кага, пондасӧ шуны Медвылісьлӧн юӧртісьӧн. Дӧсвидзисьыс одзын тэ мунан лӧсьӧтны Сылӧ туйесӧ.

Лука 23:39

Дорӧммес коласісь ӧт лёк керисьыс видіс Исуссӧ. Сія шувліс: «Тэ кӧ Кристос-Мездӧтісь, мезды Асьтӧ да и миянӧс».

Матвей 26:24

Морт Зонкӧт сідз и лоас, кыдз Сы йылісь висьталӧм Вежа Гижӧттэзын. Но ӧддьӧн умӧль лоас Морт Зонсӧ вузалісь мортлӧ! Буржык бы сылӧ вӧлі, эз кӧ чуж бы».

Матвей 16:21

Сія лунсянь Исусыс пондіс велӧтчиссеслӧ висьтавлыны, мый Сыкӧт лоас. Сылӧ пӧ ковсяс мунны Ерусалимӧ, сэтчин уна сьӧкыта пессьыны-мырсьыны бӧрйӧм пӧриссезсянь, аркирейезсянь да Туйдӧтӧ велӧтіссезсянь. Сійӧ виясӧ, но куимӧт лунас Сія ловзяс.

Марк 9:13

Ме висьтала тіянлӧ: Илляыс локтіс ни, сыкӧт отирыс керисӧ сідз, кыдз нылӧ коліс. Сідз и вӧлі гижӧм сы йылісь».

Марк 9:31

Сылӧ эд коліс велӧтны Ассис велӧтчиссесӧ. Исусыс висьталіс нылӧ: «Морт Зонсӧ сетасӧ отир киэзӧ. Нія Сійӧ виясӧ, но куим лун бӧрті Сія ловзяс».

Марк 10:33

«Мийӧ каям Ерусалимӧ. Морт Зонсӧ вузаласӧ аркирейезлӧ да Туйдӧтӧ велӧтіссезлӧ. Нія шуасӧ Сійӧ вийны да сетасӧ ентӧдтӧммез киӧ.

Ап. керӧммез 1:6

Сэк ӧксьӧм апостоллэс юалісӧ Исусыслісь: «Дӧсвидзись, он я вились сувтӧт Израильыслӧ аслас ӧксулісь юралӧмсӧ эта кадӧ?»

Ап. керӧммез 4:11

Исусыс ─ из, кӧдӧ тійӧ, керку лэбтіссес, абутӧм туйӧ пуктіт. Сія лоис пельӧс изӧн. Мӧдік пыр оз позь мезмыны.