Марк 6:2 - Бур Юӧр 2019

² Шоччисян лунӧ Исусыс пондіс велӧтны синагогаын. Кывзіссес коласісь унаӧн дивуйтчӧмӧн баитісӧ: «Кысянь Сылӧн эта? Кытшӧм сэтшӧм уна мывкыд Сылӧ сетӧм? Кыдз эттшӧм адззывлытӧммесӧ керӧ Аслас киэзӧн?

Марк 6:2 Mawu Ofanana

Матвей 4:23

Исусыс ветлӧтіс Галилея муӧт, велӧтіс синагогаэзын. Сія висьтасис Енлӧн Юралӧм йылісь Бур Юӧрсӧ, отирсӧ веськӧтіс быдкодь висьӧмись да быд шогӧтісь.

Матвей 7:28

Исуслісь кыввесӧ кывзӧм бӧрын йӧзсӧ ёна диво кутіс Сы велӧтӧмсянь.

Марк 1:39

Быдсӧн Галилея муӧт синагогаэзын Сія висьтасис Бур Юӧрсӧ да вашӧтіс сэрпӧсь ловвесӧ.

Марк 10:1

Капернаум карись мунӧм бӧрын Исусыс локтіс Иордан ю мӧдӧрись Иудея муӧ. Сы дынӧ бӧра ӧксисӧ отир. Кыдз пыр, Сія нійӧ пондіс велӧтны.

Лука 2:47

Исусыслӧн вежӧртӧмыс да висьтавлӧммес быд кывзісьсӧ дивуйтчӧмӧдз вайӧтісӧ.

Лука 4:15

Исусыс велӧтіс синагогаэзын. Сійӧ быдӧнныс ошкисӧ.

Иоан 6:42

Нія баитісӧ: «Абу я Сія Ӧсиплӧн Исус зон? Мийӧ эд тӧдам сылісь ай-мамсӧ. Мыля нӧ Сія баитӧ, Ме пӧ лэдзчи енӧжись?»

Иоан 7:15

Иудейесӧ диво кутіс, нія баитісӧ: «Кытісь нӧ Сія велӧтчытӧг тӧдӧ Вежа Гижӧттэсӧ?»