Марк 4:38 - Бур Юӧр 2019

³⁸ Исусыс пыж бӧрас мыйкӧ пуктӧм юр увтас да онмӧссьӧм. Велӧтчиссес саймӧтісӧ Сійӧ да шуисӧ: «Велӧтісь! Мый, Тэныт и шог абу, мийӧ эд вӧям?»

Марк 4:38 Mawu Ofanana

1 Петра 5:7

Ассиныт быдӧс тӧждісьӧмнытӧ сетӧ Сы киӧ. Сія и Ачыс эд тӧждісьӧ тіян понда.

Еврейезлӧ 4:15

Миян сэтшӧм Аркирей, Кӧда вежӧртӧ миянӧс, кӧр мийӧ вынтӧмӧсь. Сы вылӧ, кыдз и миян вылӧ, усис быдӧс сьӧкытыс-ылӧтлӧмыс, но Сія умӧльсӧ эз кер.

Матвей 8:25

Велӧтчиссес саймӧтісӧ Сійӧ: «Дӧсвидзись, вӧям эд! Отсав миянлӧ!»

Лука 8:24

Велӧтчиссес саймӧтісӧ Сійӧ. Нія шуисӧ: «Велӧтісь! Велӧтісь! Вӧям эд!» Сія чеччис, ӧліс тӧвсӧ, васӧ. Тӧлыс да ваыс лӧньсисӧ.

Еврейезлӧ 2:17

Сійӧн Сылӧ быдӧсын коліс вачкисьны воннэс вылӧ, медбы лоны небыт сьӧлӧма, Енсӧ кывзісь Аркирейӧн. Сылӧ ковсис вештісьны отирлӧн умӧль керӧммез понда.

Иоан 4:6

Сэтчин вӧлі Яковлӧн юкмӧс. Исусыс туйын мыдзис, пуксис юкмӧсыс дынӧ. Вӧлі луншӧр гӧгӧр.

Матвей 22:16

Исусыс дынӧ нія ыстӧмась ассиныс велӧтчиссесӧ да Иродлісь отирсӧ. Локтӧммес шуисӧ: «Велӧтісь, мийӧ тӧдам, Тэ веськыта баитан, былись Еныс тшӧктӧм сьӧрті велӧтан овны. Тэ он пов и он кошшы, кыдз бы морт сьӧрті керны.

Марк 4:37

Лэбтісис вына тӧв, васӧ вайӧтіс, койис ны вылӧ. Пыжсӧ пондіс тыртны ванас.

Марк 4:39

Сія чеччис, ӧліс тӧвсӧ да висьталіс тыыслӧ: «Ӧвсьы, дугды!» Сэк жӧ тӧлыс лӧньсис. Лоис шы не тӧв.