Марк 4:24 - Бур Юӧр 2019

²⁴ Исусыс висьталіс нылӧ: «Мый кылатӧ, босьтӧ тӧдвыланыт. Тіянлӧ меряйтасӧ асланыт меряйтӧм сьӧрті да и содтасӧ.

Марк 4:24 Mawu Ofanana

Еврейезлӧ 2:1

Сійӧн миянлӧ колӧ буржыка видзсьыны кылӧмным бердӧ, медбы мӧдӧрӧ эгӧ ылалӧ.

Лука 8:18

Видзӧтӧ ас сьӧраныт, кыдз тійӧ кывзат. Кинлӧн эд эм, сылӧ сетасӧ. Кинлӧн абу, сылісь мырддясӧ и сійӧ, мый сія чайтіс босьтны».

Матвей 7:2

Тіян осудитӧмныт эд асланыт юр вылӧ локтас. И меряйтасӧ тіянлӧ асланыт меряйтӧм сьӧрті.

Ап. керӧммез 17:11

Сэтӧн олісь иудейес вӧлісӧ мывкыдажыкӧсь Фессалоникаын оліссезся. Нія бура кывзісӧ Кывсӧ. Быд лун висьталӧмсӧ видзӧтісӧ Вежа Гижӧттэз сьӧрті, былись я сідз гижӧм.

2 Коринфын оліссезлӧ 9:6

Эстӧн висьтала: кин кӧдзӧ надза, вундас етша. Кин уна кӧдзӧ, уна и босьтӧ.

Иоан 10:27

Менам баляэзӧ кылӧны Менчим шыӧс да мунӧны Ме сьӧрӧ. И Ме тӧда нійӧ.

Иоан 5:25

Тіянлӧ быльсӧ веськыта висьтала: локтӧ кад, да и локтіс ни, кӧр кулӧммес кыласӧ Ен Зонлісь шысӧ. Сійӧ кыліссес ловзясӧ.

Марк 9:7

Сэтӧн мыччисис кымӧр да быдӧннысӧ вевттис, и сэтчинсянь кыліс баитан шы: «Сія Менам дона Зонӧ, Сійӧ кывзӧ!»

Иоан 10:16

Менам эмӧсь и мӧдік баляэз, нія мӧдік йӧрись. Меным колӧ и нійӧ вайӧтны. Нія кыласӧ Менчим шыӧс, сэк лоас ӧтік баля чукӧр да ны сьӧрын ӧтік видзӧтісь.

1 Иоан 4:1

Донаэзӧ, быд ловлӧ эд веритӧ. Ловвесӧ тӧдмалӧ-видзӧтӧ, Енсянь я нія. Му вылас уна лоисӧ асьнысӧ Енсянь юӧртіссезӧ пуктіссес.

1 Петра 2:2

Чужӧм челядьыс радейтӧны мамлісь йӧв. Тійӧ ны моз радейтӧ да кошшӧ Еныслісь кывсӧ. Сысянь зорамат, локтат мезмӧмӧдз.