Марк 4:20 - Бур Юӧр 2019

²⁰ А бур муӧ кӧдзӧм кӧдзысыс висьталӧ ны йылісь, кӧдна кывзӧны Кывсӧ, босьтӧны сійӧ. Сэтшӧммес уна воӧмсӧ вайӧны: ӧтіккез ─ сёпӧв, мӧдіккез ─ кватьдаспӧв, куимӧттэз ─ куимдаспӧв унажык».

Марк 4:20 Mawu Ofanana

Матвей 13:23

Бур муӧ кӧдзӧм кӧдзысыс лоӧ то мый: морт Кывсӧ кылӧ, сійӧ вежӧртӧ. Сэтшӧмыс уна воӧмсӧ вайӧ: ӧтік ─ сёпӧв, мӧдік ─ кватьдаспӧв, куимӧт ─ куимдаспӧв унажык».

Матвей 13:8

Мукӧдыс усясӧ бур муӧ. Нія сетасӧ воӧмсӧ: ӧтіккез ─ сёпӧв, мӧдіккез ─ кватьдаспӧв, мукӧдыс ─ куимдаспӧв унажык.

Марк 4:8

Мукӧдыс усясӧ бур муӧ, петаласӧ, быдмасӧ да сетасӧ кӧдзыс: ӧтіккез ─ куимдаспӧв, мӧдіккез ─ кватьдаспӧв, куимӧттэз ─ сёпӧв унажык».

Лука 8:15

Бур муӧ усьӧммес ─ кылӧм Кывсӧ рам да бур сьӧлӧмын видзиссез. Нія вайӧны воӧмсӧ мыланыс быртӧг видзсьӧмӧн». Сідз висьталӧм бӧрын Исусыс горӧтчис: «Пеля мортыс ась кылӧ!»

Иоан 15:16

Тійӧ эдӧ бӧрйӧ Менӧ, Ме бӧрйи тіянӧс. Ме сувтӧті тіянӧс да иньді вайны воӧм. Тіян воӧмныт ась пыр олӧ. Сідз кӧ пондат керны, сэк Менам нимӧн мый корат, Айӧ сетас тіянлӧ.

Иоан 15:2

Менчим уввесӧ, кӧдна озӧ вайӧ воӧмсӧ, Сія кералӧ. Нійӧ уввесӧ, кӧдна вылын эм воӧмыс, Сія весӧтӧ, медбы унажык вайисӧ воӧмсӧ.

Римын оліссезлӧ 7:4

Воннэзӧ, сідз и тійӧ: Кристослӧн вывтырӧ ӧтлаасит да Сыкӧт куліт. Сійӧн мезмит Туйдӧтыс вын увтісь. Ӧні тійӧ Мӧдіклӧн, кулӧмись Ловзьӧмлӧн, медбы вайны Еныслӧ бур воӧм.

Филипын оліссезлӧ 1:11

Кристос Исус отсӧтӧн Ен сьӧрті веськыта олӧмсяняныт ась лоас уна бур керӧмныт. Отирыс ась лэбтӧны-ошкӧны Енсӧ бурсӧ керӧмныт понда ─ Енлӧ бур воӧмсӧ вайӧмныт понда.

Колосын оліссезлӧ 1:10

Мийӧ кеймам, медбы тіян оланныт вайис Енлӧ ошкӧм и быдӧс керит Сы сьӧрті. Кеймам, медбы бурсӧ керӧмнаныт вайит воӧм да буржыка пондіт тӧдны Енсӧ.

1 Фессалоникаын оліссезлӧ 4:1

Воннэзӧ, миянсянь тійӧ тӧдат, кыдз колӧ овны Ен сьӧрті. Тійӧ сідз и олат. Но корам тіянӧс и кеймисям Кристос Исус нимӧн: вынсьӧтчӧ эшӧ буржыка овны Еныс сьӧрті.

2 Петра 1:8

Сія быдӧс кӧ тіян эм да содӧ, сэк миянлісь Дӧсвидзись Кристос Исуссӧ тӧдӧмныт оз ло весись, тійӧ одӧ кольччӧ бур воӧмтӧг.