Марк 2:20 - Бур Юӧр 2019

²⁰ Но локтасӧ луннэз, кӧр гӧтрасись зонсӧ босьтасӧ ны дынісь. Сэк нія пондасӧ кӧслунавны.

Марк 2:20 Mawu Ofanana

Лука 17:22

Велӧтчиссеслӧ Исусыс висьталіс: «Лоасӧ сэтшӧм луннэз, сэк ӧддьӧн бы адззылат Морт Зонлӧн луннэзісь ӧтікӧ, но одӧ адззылӧ.

Осьтӧм 21:9

Ме дынӧ сибӧтчис ангел. Сія вӧлі сизим ангел коласісь, кӧдна видзисӧ сизим доз медбӧрья сизим умӧльнас. Ангелыс висьталіс меным: «Сибӧтчы татчӧ. Ме мыччала тэныт Дзельыслісь невестасӧ, сія лоас Сылӧ иньӧн».

Осьтӧм 19:7

Гажмам да пондам гажӧтчыны, лэбтам-ошкам Енсӧ. Дзельыслӧн гӧтрасян кадыс локтіс. Сылӧн невестаыс асьсӧ лӧсьӧтӧм ни,

2 Коринфын оліссезлӧ 11:27

Уджын вӧлі садь быртӧдз, унаись узьлытӧг, ютӧг, сёйтӧг, унаись кӧслуналі, олі кӧдзытын, пасьтӧг.

2 Коринфын оліссезлӧ 11:2

Ме тӧждіся эд тіян понда Еныс тӧждісьӧмӧн. Ме кораси тіянӧс ӧтік жӧниклӧ ─ Кристослӧ. Тіянӧс колӧ сувтӧтны Сы одзӧ кыдз сӧстӧм нылӧс.

1 Коринфын оліссезлӧ 7:5

Гозйӧн олӧм коста ӧтамӧдныт дынісь эд ылӧтчӧ. Баитчӧм бӧрын, медбы кӧслунавны да кеймыны, ӧтамӧдныт дынісь мымдакӧ вермат видзсьыны торйын. Сэсся бӧра олӧ ӧтлаын, медбы эз вермы ылӧтны сотанаыс, одӧ вермӧ кӧ видзсьыны.

Ап. керӧммез 14:23

Быд вичкуын нія сувтӧтісӧ веськӧтліссезӧс. Кӧслуналӧм да кеймӧм бӧрын веритіссес сетісӧ нійӧ Дӧсвидзись киӧ. Сылӧ эд нія и пондісӧ веритны.

Ап. керӧммез 3:21

Еныс Сійӧ босьтіс енӧжас. Исусыс лоас сэтӧн, кытчӧдз быдӧс оз ло лӧсьӧтӧм одззамоз. Эта йылісь Еныс одззасянь ни юӧртлӧм Аслас вежа юӧртіссез пыр.

Ап. керӧммез 1:9

Сідз висьталӧм бӧрын Исусыс ны син одзын лэбтісис енӧжӧ. Кымӧрыс сайӧвтіс Сійӧ, и Сія эз понды тыдавны.

Иоан 17:13

Ӧні Ме муна Тэ дынӧ. Кытчӧдз Ме му вылас, нылӧ быдӧс этӧ висьтала, медбы Менам гажӧ тыртіс и нылісь сьӧлӧммезнысӧ.

Иоан 17:11

Ме абу ни татӧн му вылас, Ме муна Тэ дынӧ. Но нія кольччӧны татчӧ. Вежа Айӧ! Видз Меным сетӧмметӧ Аслат ним понда. Мийӧ Тэкӧт ӧтік, ась и нія миян моз йитчӧны, лоӧны ӧтік.

Иоан 16:28

Му вылас Ме локті Айӧ дынсянь. Ӧні му вывсис Ме бӧр берта Айӧ дынӧ».

Иоан 16:7

Ме былись тіянлӧ баита: тіянлӧ буржык лоас, Ме муна кӧ. Ог кӧ мун, Дорйисьыс оз лок тіян дынӧ. Ме муна кӧ, иньда Сійӧ тіян дынӧ.

Иоан 13:33

Челядь! Ме ог ни дыр ло тіянкӧт. Менӧ пондат кошшыны. Но и тіянлӧ Ме висьтала, кыдз отирыслӧ висьталі: "Кытчӧ Ме муна, сэтчин тійӧ одӧ вермӧ локны".

Иоан 3:29

Гӧтрасись зон сія, кӧдалӧн эм невеста. Зонлӧн ёртыс сулалӧ да кывзӧ сійӧ. Сылӧ гажся-гаж кывны гӧтрасись зонлісь баитӧмсӧ. Сэтшӧм ыджыт гажыс ӧні менам.

Матвей 26:31

Сія велӧтчиссеслӧ висьталіс: «Талуння ойӧ тійӧ быдӧнныт Менӧ колят. Вежа Гижӧтыс висьталӧ: "Кувтӧдз уськӧта баляэз сьӧрын Видзӧтісьсӧ, и баляэс ӧтмӧдӧрӧ пышшасӧ".

2 Коринфын оліссезлӧ 6:5

Миянӧс вартлӧны, вашӧтлӧны да пуксьӧтӧны. Мийӧ садь быртӧдз уджаламӧ, узьтӧг оламӧ, кӧслуналамӧ.

Иоан 12:8

Кориссес пыр тіянкӧт, а Ме тіянкӧт ог пыр ло».

Матвей 9:15

Исус нылӧ висьталіс: «Вермас я гажтӧмыс кутны гӧтрасись зонлісь ёрттэсӧ, кӧр ныкӧт гӧтрасисьыс? Локтасӧ луннэз, гӧтрасись зонсӧ босьтасӧ ны дынісь. Сэк нія пондасӧ кӧслунавны.

Марк 2:19

Исусыс нылӧ висьталіс: «Вермасӧ я ёрттэс кӧслунавны, кӧр ныкӧт гӧтрасись зон? Кытчӧдз гӧтрасись зон ныкӧт, нія озӧ кӧслуналӧ.

Марк 2:21

Некин оз пукты бырӧм паськӧм вылӧ виль дӧмас. Виль дӧмасыс пуксяс, кыскас важсӧ да осьтасӧ ӧддьӧнжык косялас.

Лука 5:35

Локтас кад, мырддясӧ нылісь гӧтрасись зонсӧ. Сэк нія пондасӧ кӧслунавны».