Марк 2:17 - Бур Юӧр 2019

¹⁷ Исусыс кыліс нылісь баитӧмсӧ да висьталіс: «Веськӧтісьыс колӧ шогаліссезлӧ, оз ков шогӧттӧммезлӧ. Ме эг лок корны Ен сьӧрті веськыта оліссесӧ, локті корны умӧльсӧ кериссесӧ».

Марк 2:17 Mawu Ofanana

Матвей 18:10

«Видзӧтӧ, этна учӧттэз коласісь ӧтікӧс эдӧ пуктӧ абутӧм туйӧ! Висьтала тіянлӧ: нылӧн ангеллэзныс пыр адззӧны чужӧмсӧ енӧжись Айӧлісь.

Лука 15:10

Тіянлӧ висьтала: ӧтік морт понда овлӧ сэтшӧм жӧ гажыс Енлӧн ангеллэзлӧн, бергӧтчас кӧ мортыс умӧль керӧммес дынісь Енлань».

Лука 15:29

Мӧдыс айыслӧ висьталас: "Кыным во ме тэныт уджала, пыр кера тэнат тшӧктӧм сьӧрті, но тэ меным ёрттэзӧкӧт гажӧтчыны и кӧзапиянӧс эн сет.

Лука 15:7

Висьтала тіянлӧ: енӧжас ӧддьӧн ыджыт гаж овлӧ, бергӧтчас кӧ Енлань ӧтік умӧльсӧ керись морт. Сэтшӧм гажыс оз овлы ӧкмысдас ӧкмыс Ен сьӧрті веськыта олісь понда. Нылӧ эд оз ков бергӧтчыны умӧль керӧммезныс дынісь».

Лука 16:15

Исусыс нылӧ висьталіс: «Отир одзын тійӧ асьнытӧ мыччалат Ен сьӧрті веськыта оліссезӧн. Но Еныс эд тӧдӧ тіянлісь сьӧлӧммезнытӧ. Мый отирыслӧ дона, сія Еныслӧ сэрпӧсь».

Лука 19:10

Морт Зон эд локтіс адззыны да мездыны ӧшӧммесӧ».

Иоан 9:34

Сэтчӧ сылӧ шуисӧ: «Тэ шогмӧмсянь ни умӧльнас быдсӧн тырӧмыт, и миянӧс пондін велӧтны!» Нія сійӧ вашӧтісӧ.

Иоан 9:40

Сэтӧн тшӧтш вӧлісӧ фарисейез. Нія кылісӧ Исуслісь висьталӧмсӧ да юалісӧ: «Поди, и мийӧ синтӧмӧсь, огӧ адззӧ?»

Ап. керӧммез 20:21

Иудейесӧ да мӧдік отирсӧ тшӧкті бергӧтчыны Енлань да веритны миян Дӧсвидзись Кристос Исуслӧ.

Ап. керӧммез 26:20

Медодз ме висьтаси Дамаскын да Ерусалимын оліссезлӧ, сэсся Иудея муын оліссезлӧ да мӧдік отирлӧ. Ме нійӧ велӧті бергӧтчыны умӧль керӧммезныс дынісь Енлань. Велӧті асланыс оланӧн мыччавны умӧль керӧммезныс дынісь бергӧтчӧмнысӧ.

Титлӧ 2:14

Сія Асьсӧ сетіс миян понда, медбы миянӧс мездыны быдпӧлӧс умӧльсис да сӧстӧмтны Аслыс отирӧс, кӧда пыр кошшӧ керны бурсӧ.