Марк 16:6 - Бур Юӧр 2019

⁶ Зонкаыс нылӧ висьталіс: «Эд полӧ. Тійӧ кошшат Назаретісь Исуссӧ, Кӧда вӧлі дорӧм крест вылӧ. Сія ловзис. Сія татӧн абу. Видзӧтӧ куйланінсӧ, кытчӧ Сійӧ пуктылісӧ.

Марк 16:6 Mawu Ofanana

Матвей 12:40

Ионаыс куим ой да куим лун вӧлӧм ыджыт чери кынӧмын. Сідз Морт Зон му сьӧлӧмас куим ой да куим лун чулӧтас.

Марк 1:24

«Мый Тэныт миян дорӧдз, Назаретісь Исус? Тэ локтін миянӧс изводавны? Тӧда, кин Тэ: Тэ Енлӧн Вежаыс».

Марк 1:27

Быдӧнныс повзисӧ да ӧтамӧдлісь пондісӧ юасьны: «Мый сэтшӧмыс? Кытшӧм сэтшӧм виль велӧтӧм? Сылӧн сэтшӧм вын, нельки сэрпӧсь ловвес Сійӧ кывзісьӧны, мый тшӧктас кӧ керны!»

Марк 10:34

Нія Сы вылын сераласӧ, сьӧлаласӧ, вартласӧ да виясӧ. Но куим лун бӧрті Сія ловзяс».

Марк 14:33

Сія сьӧрас босьтіс Петраӧс, Яковӧс да Иоанӧс. Сэтчин Исусыс пондіс ӧддьӧн шогсьыны да тӧждісьны.

Марк 9:15

Кӧр отирыс казялісӧ Исуссӧ, нійӧ диво кутіс. Отирыс котӧртісӧ пантавны Сійӧ.

Лука 24:46

Исусыс велӧтчиссеслӧ висьталіс: «Вежа Гижӧттэзын висьталӧм сьӧрті Кристос-Мездӧтісьлӧ коліс пессьыны-мырсьыны, кувны, куимӧт лунас ─ ловзьыны.

Ап. керӧммез 2:24

Но Еныс Сійӧ ловзьӧтіс, кулан выныслісь домӧттэсӧ орлаліс. Кулан выныс эд эз вермы видзны Исуссӧ.

Ап. керӧммез 4:10

Быдыс тіян коласісь да Израильын быд морт ась пондӧ тӧдны лоӧмыс йылісь. Назаретісь Кристос Исуссӧ тійӧ дорит пу бердӧ, но Еныс сійӧ ловзьӧтіс. Тіян одзӧ эта мортыс сувтіс веськалӧм Исусыс нимӧн.