Марк 16:20 - Бур Юӧр 2019

²⁰ Исуслӧн велӧтчиссес мунісӧ да быдлаын висьтасисӧ Бур Юӧрсӧ. Дӧсвидзисьыс отсаліс нылӧ, висьтасьӧмнысӧ вынсьӧтіс быдкодь адззывлытӧммесӧ мыччалӧмӧн. Аминь.

Марк 16:20 Mawu Ofanana

Ап. керӧммез 14:3

Апостоллэс дыркодь вӧлісӧ сэтӧн. Повтӧг висьтасисӧ Дӧсвидзись йылісь. Дӧсвидзисьыс ны пыр аркмӧтіс пассэсӧ да адззывлытӧммесӧ. Сідз Сія вынсьӧтіс висьтасьӧмсӧ Аслас бурсетӧм йылісь.

Еврейезлӧ 2:4

Висьтасьӧмсӧ Еныс вынсьӧтіс пассэзӧн, адззывлытӧммезӧн да быдкодь вына керӧммезӧн. Сія козьналіс Вежа Ловсянь верман-кужан козиннэсӧ, кыдз Сылӧ коліс.

Римын оліссезлӧ 15:19

Ен Лов вынӧн Кристосыс ме пыр керліс мыччалан пассэсӧ да адззывлытӧммесӧ. Сійӧн Кристослісь Бур Юӧрсӧ ме верми нуӧтны Ерусалим гӧгӧр муэзсянь Иллирикӧдз.

Ап. керӧммез 5:12

Апостоллэз пыр отир коласын керсисӧ уна мыччалан пассэз да адззывлытӧммез. Веритіссес быдӧнныс баитчӧмӧн ӧксьывлісӧ Вежа Керкуас «Соломонлӧн вевттьӧминын».

Ап. керӧммез 4:30

Нюжӧт Ассит китӧ, Вежа Исус Зоныт нимӧн веськӧт отирсӧ, кер пассэсӧ да адззывлытӧммесӧ».

2 Коринфын оліссезлӧ 6:1

Мийӧ Еныскӧт ӧтвыв уджаліссез. Сійӧн кеймисям тіян одзын: Енлісь бурсетӧмсӧ босьтӧ сьӧлӧманыт, медбы сія эз вӧв тіянлӧ весись сетӧм.

Марк 16:19

Сідз висьталӧм бӧрын Дӧсвидзисьыс лэбтісис енӧжӧ да пуксис Енкӧт веськыт ладорас.

Лука 1:1

Унаӧн пондісӧ ӧктыны миян коласын лоӧмсӧ гижӧттэзӧ.

Лука 1:2

Лоӧмсӧ миянлӧ висьтасисӧ Ен Кывлӧ кысъяліссез, одззасянь быдӧс адззыліссез.

Еврейезлӧ 2:3

Кыдз сэк мийӧ пышшам, абутӧм туйӧ кӧ пуктам эттшӧм вына мезмӧмсӧ? Сія мезмӧм йылісь медодз висьтасис Дӧсвидзисьыс. Сысянь кыліссес сыбӧрын висьтасисӧ миянлӧ да вынсьӧтісӧ: висьтасьӧмыс ─ быль.