Марк 16:17 - Бур Юӧр 2019

¹⁷ Веритіссесӧ пондасӧ тӧдны этна пассэз сьӧрті: Менам нимӧн пондасӧ вашӧтлыны сэрпӧсь ловвесӧ да пондасӧ баитны виль кыввез вылын.

Марк 16:17 Mawu Ofanana

Ап. керӧммез 5:16

Ерусалимас унаӧн ӧксьывлісӧ сы гӧгӧр оланіннэзісь. Сьӧраныс вайӧтлывлісӧ шогалісь отирсӧ да сэрпӧсь ловсянь мырсиссесӧ. И нія быдӧнныс веськавлісӧ.

1 Коринфын оліссезлӧ 12:28

Вичкуас Еныс ӧтіккезӧс сувтӧтіс апостоллэзӧн, мӧдіккезӧс ─ Енсянь юӧртіссезӧн, куимӧттэзӧс ─ велӧтіссезӧн. Мукӧдлӧ сетіс верман-кужан козин керны адззывлытӧммез, мукӧдлӧ ─ веськӧтны шогӧттэзісь, кинлӧкӧ ─ отсасьны, кинлӧкӧ ─ кужны юравны, кинлӧкӧ ─ баитны мӧдік кыввез вылын.

1 Коринфын оліссезлӧ 12:10

кинлӧкӧ ─ керны адззывлытӧмсӧ, кинлӧкӧ ─ Енсянь юӧртны. Кинлӧкӧ Лолыс сетӧ тӧдмавны, кытшӧм лов морт пытшкын. Мукӧдыслӧ Сія сетӧ мӧдік кыввез вылын баитӧм, а мукӧдыслӧ вежӧртны да вуджӧтны нійӧ кыввесӧ.

Ап. керӧммез 8:7

Отир коласын унаын вӧлӧмась сэрпӧсь ловвез. Ныись сэрпӧсь ловвес чирзӧмӧн петісӧ. Уна вӧлісӧ параличӧн личкӧммес, уна чотісӧ. Нія быдӧнныс веськалісӧ.

Лука 10:17

Гажаӧсь бертісӧ сизимдас велӧтчисьыс. Нія баитісӧ: «Велӧтісь! Тэнат нимӧн тшӧктам кӧ, сэрпӧсь ловвес кывзісьӧны».

Ап. керӧммез 10:46

Нія кылісӧ йӧзлісь мӧдік кыввез вылын баитӧмнысӧ да Енсӧ ошкӧмнысӧ. Сэк Петраыс висьталіс:

Иоан 14:12

Тіянлӧ быльсӧ веськыта висьтала: Меным веритісьыс пондас керны Ме моз. И унажык пондас керны, Ме эд Айӧ дынӧ муна.

Ап. керӧммез 19:6

Павелыс пуктіс ны вылӧ киэсӧ. Сэк Вежа Лолыс лэдзчисис пыртӧммес вылӧ. Нія пондісӧ баитны мӧдік кыввез вылын да Енсянь юӧртны.

1 Коринфын оліссезлӧ 14:2

Баитӧ кӧ кин мӧдік кыв вылын, сія баитӧ Еныслӧ, оз отирлӧ. Сійӧ некин оз вежӧрт, сія эд Лов вынӧн тӧдлытӧмсӧ висьтавлӧ.

1 Коринфын оліссезлӧ 12:30

Быдӧннытлӧ я сетӧм вын веськӧтны шогӧттэзісь? Быдӧнныт я баитат мӧдік кыввез вылын? Быдӧнныт я нійӧ вежӧртат, вермат вуджӧтны?

1 Коринфын оліссезлӧ 13:1

Ме кӧ баита отир кыв вылын, нельки ангеллэз кыв вылын, но аслам радейтӧмӧ абу кӧ, сэк ме тронган джыннян кодь, сильӧтан орсан кодь.

Ап. керӧммез 16:18

Сідз сія горӧтліс уна лун сьӧрна. Сысянь Павелыс лӧгасис. Сія бергӧтчис да висьталіс сэрпӧсь лолыслӧ: «Кристос Исус нимӧн тшӧкта тэныт петны мортсис!» Сэтӧн жӧ сэрпӧсь лолыс инькасис петіс.

Марк 9:38

Иоан шуис: «Велӧтісь! Мийӧ адззылім Тэнат нимӧн сэрпӧсь ловвесӧ вашӧтлісь мортӧс. Мийӧ сійӧ падмӧтім, миянкӧт оз ветлӧт да».

Ап. керӧммез 2:33

Еныс Сійӧ лэбтіс веськыт ладорас. Исусыс босьтіс Айыслісь кӧсйӧм Вежа Ловсӧ да кисьтіс миян вылӧ. Лоӧмсӧ тійӧ ӧні адззат да кылат.