Марк 16:16 - Бур Юӧр 2019

¹⁶ Кин пондас веритны да пыртчас, сія мезмас. Кин оз понды веритны, сія сюрас суд вылӧ мыжйыны.

Марк 16:16 Mawu Ofanana

Матвей 28:19

Сідзкӧ, мунӧ, велӧтӧ быдӧс отирсӧ. Пыртӧ нійӧ Ай, Зон да Вежа Лов нимӧн.

Марк 1:15

Сія висьтавліс: «Локтіс кад, Енлӧн Юралӧмыс матын ни! Бергӧтчӧ умӧль керӧммезныт дынісь да веритӧ Бур Юӧрӧ!»

Лука 8:12

Туй дорӧ усьӧм кӧдзыс туссес ─ кывзіссез. Ны дынӧ сэсся локтӧ кульыс, сьӧлӧмсиныс нӧбӧтӧ Кывсӧ, медбы нія эзӧ веритӧ да эзӧ мезмӧ.

Иоан 20:31

Быдӧс эстӧн гижӧм сэтшӧм могӧн, медбы тійӧ пондіт веритны: Исусыс ─ Кристос-Мездӧтісь, Енлӧн Зон. Веритат кӧ Сылӧ, сэк Сы нимӧн тіян лоас олан.

Иоан 3:36

Зонлӧ веритісьлӧн эм пырся олан. Кин оз верит Зоныслӧ, сія пырся олансӧ оз адззыв. Сы вылын Енлӧн лӧгыс кольччас».

Иоан 3:5

Исусыс висьталіс: «Тэныт быльсӧ веськыта висьтала: оз кӧ мортыс шогмы васянь да Ловсянь, сія оз вермы пырны Енлӧн Юраланінӧ.

Иоан 5:24

Тіянлӧ быльсӧ веськыта висьтала: мортыс кывзӧ кӧ Менчим кыввезӧс да веритӧ Менӧ Ыстісьлӧ, сылӧн эм пырся олан. Сія суд вылас оз ни шед. Сія вуджис ни кулӧмись оланӧ.

Иоан 6:29

Исус нылӧ висьталіс: «Веритӧ Енсянь Ыстӧмлӧ. Сія керӧмыс Еныс сьӧрті».

Иоан 6:35

Исус висьталіс: «Ме ─ олан сетан нянь. Ме дынӧ локтӧм мортыс оз понды тшыгьявны. Меным веритісьлӧн некӧр оз понды косьмыны горшыс.

Иоан 6:40

Менӧ ыстіс Айӧ. Сылӧ колӧ, медбы Сылісь Зонсӧ адззылісь мортлӧн да Сылӧ веритісьлӧн вӧлі пырся олан, и Ме ловзьӧта сійӧ медбӧрья лунас».

Иоан 8:24

Сійӧн эд Ме и висьталі тіянлӧ: тійӧ кулатӧ умӧльсӧ керӧммезныт кузя. Одӧ кӧ пондӧ веритны висьталӧмам "Ме Сія, Кӧда эм", то кулатӧ умӧльсӧ керӧммезныт кузя».

Ап. керӧммез 10:43

Енсянь юӧртіссес быдӧнныс висьтавлӧмась Исусыс йылісь: "Быдӧнныслӧн, кӧдна веритӧны Исуслӧ, умӧль керӧммезныс Исусыс нимӧн лоасӧ проститӧмӧсь"».

Ап. керӧммез 13:39

Исус отсӧтӧн Сылӧ быд веритісьыс мезмӧ быд умӧль керӧмись. Мезмӧ и ныись, кӧднаись Моисейлӧн Туйдӧтыс эз вермы мездыны. И морт лоӧ Ен сьӧрті веськыта олісьӧн.

Ап. керӧммез 13:46

Сэк Павел да Варнава повтӧг висьталісӧ: «Енлісь Кывсӧ медодз коліс юӧртны тіянлӧ. Тійӧ тай миянӧс эдӧ пондӧ кывзыны, пырся оланас пырны асьнытӧ пуктат нетуяна отирӧ. Ӧні мийӧ мунам ентӧдтӧм отир дынӧ.

Ап. керӧммез 2:38

Петраыс висьталіс нылӧ: «Бергӧтчӧ умӧль керӧммезныт дынісь да Кристос Исус нимӧн пыртчӧ, медбы Еныс проститіс умӧль керӧммезнытӧ. Сэк Сія козьналас тіянлӧ Вежа Ловсӧ.

Ап. керӧммез 2:41

Сылісь кыввесӧ сьӧлӧманыс босьтіссес пыртчисӧ. Сія лунӧ веритіссес дынӧ ӧтлаасисӧ куим сюрс гӧгӧр морт.

Ап. керӧммез 22:16

Сідзкӧ, эн падмӧтчы! Чеччы, Дӧсвидзись Исуслісь нимсӧ корӧмӧн пыртчы да лэдз миссьӧтны ассит умӧль керӧмметӧ".

Римын оліссезлӧ 3:6

Оз эд умӧльсӧ кер! Кыдз нӧ сэк Еныслӧ суд вылас быдӧнныскӧт бӧрйисьны?

Римын оліссезлӧ 4:24

сідз и миян йылісь. Миянӧс шуасӧ Ен сьӧрті веськыта оліссезӧн. Мийӧ эд веритам миянлісь Дӧсвидзись Исуссӧ Ловзьӧтісь Енлӧ.

2 Фессалоникаын оліссезлӧ 1:8

Сія локтас ыпьялан биын да вештісяс Енсӧ тӧдтӧм отирлӧ, кӧдна эзӧ пондӧ кывзыны миян Дӧсвидзись Кристос Исуслісь Бур Юӧрсӧ.

2 Фессалоникаын оліссезлӧ 2:12

Быдӧннысӧ, кӧдна эзӧ веритӧ быльыслӧ, а радейтӧны бӧбӧтӧмсӧ, Еныс судитас.

1 Петра 1:21

Тійӧ Кристосыс пыр пондіт веритны Еныслӧ. Сія Кристоссӧ ловзьӧтіс да сетіс Сылӧ Ассис югьялӧмсӧ, медбы и тійӧ веритіт да надейтчит Еныс вылӧ.

1 Петра 3:21

Сія шогмӧмыс висьталӧ ӧнняся пыртчӧм йылісь. Сія абу нятьӧсь вывтыр миссьӧтӧм, а сӧстӧм сьӧлӧмӧн овны Енлӧ кӧсйисьӧм. Пыртчӧмным пыр мийӧ ӧні мезмам Кристос Исуслӧн ловзьӧм кузя.

Осьтӧм 20:15

Киннэз эзӧ вӧлӧ гижӧмӧсь Олан небӧгас, нійӧ чапкисӧ биа тыӧ.

Осьтӧм 21:8

Поліссес, мӧдӧрӧ ылаліссес, сэрпӧссес, морт вийиссес, кыскасиссес, тшыкӧтчиссес, ас керӧм еннэзлӧ копрасиссес да быдӧс бӧбӧтчиссес сюрасӧ биӧн сотчан истӧгись тыӧ. Сія ─ мӧдпырись кулӧмыс».