Марк 16:14 - Бур Юӧр 2019

¹⁴ Медбӧрын Исусыс мыччасис дасӧтік велӧтчисьлӧ сёйтӧнняныс. Сія ӧмаліс нійӧ чорыт сьӧлӧммезныс понда, мыля нія эзӧ веритӧ отирлӧ, кӧдна адззылісӧ Сійӧ ловзьӧм бӧрас.

Марк 16:14 Mawu Ofanana

1 Коринфын оліссезлӧ 15:5

Одзжык Кристосыс мыччасис Кифалӧ, сыбӧрын даскык велӧтчисьлӧ.

Осьтӧм 3:19

Кинӧс Ме радейта, сылӧ веськыта висьтала умӧль керӧмыс йылісь да вачкышта. Сідзкӧ, вынсьӧтчы бергӧтчыны аслат умӧль керӧммет дынісь.

Иоан 20:27

Сэсся горӧтчис Фомаыслӧ: «Вай татчӧ чуньтӧ да видзӧт Менчим киэзӧс, вай китӧ да пешлы ордлыэзӧс. Эн ло вериттӧмӧн, но ло веритісьӧн».

Матвей 11:20

Вӧлісӧ каррез, кытӧн Исусыс медуна мыччаліс Ассис вынсӧ адззывлытӧм керӧммезнас. А сэтчин оліссез эзӧ бергӧтчӧ умӧль керӧммезныс дынісь. Сійӧн Исусыс пондіс ӧмавны нія каррезын оліссесӧ:

Лука 24:25

Сэк Исусыс нылӧ висьталіс: «Ылӧстӧммез, сьӧкыта тіянлӧ пырӧ юраныт Енсянь юӧртіссезлӧн висьталӧмныс.

Марк 7:18

Сія висьталіс нылӧ: «И тійӧ ӧнӧдз одӧ вежӧртӧ? Одӧ разь вежӧртӧ: мый мортыс гыркӧ пырӧ ӧмӧттяс, сія оз вермы сэрпӧсьтны?

Матвей 17:20

Исусыс висьталіс: «Эдӧ веритӧ да. Ме тіянлӧ быльсӧ висьтала: лоас кӧ тіян веритӧмныт горчига тусь ыжда, сэк тійӧ висьталат сія керӧслӧ: "Татісь вешшы сэтчӧ". Сія вешшас. Сэк тійӧ быдӧс вермат керны!

Матвей 28:17

Исуссӧ казялӧм бӧрын нія Сылӧ муӧдз копыртчисӧ. А мукӧдыслӧ ны коласісь эз веритсьы.

Лука 24:11

Нія инькаэслӧ эзӧ веритӧ, мый пӧ нія абутӧмсӧ баитӧны.

Иоан 20:25

Мӧд велӧтчиссес сылӧ висьталісӧ: «Мийӧ адззылім Дӧсвидзисьсӧ». А Фомаыс нылӧ висьталіс: «Ог кӧ адззыв Сылісь кӧрттуввезсянь дойдӧм киэсӧ, ог кӧ пешлы нійӧ чуньнам да ог кӧ пешлы киэзнам Сылісь ордлыэсӧ, ог верит».

Иоан 20:26

Чулаліс кыкьямыс лун. Исуслӧн велӧтчиссес бӧра ӧксисӧ керкуӧ. Ныкӧт вӧлі и Фомаыс. Керку ыбӧссэс вӧлісӧ пӧданаӧсь. Сэтчӧ локтіс Исусыс, сувтіс ны коласӧ да шуис: «Лӧнь олан тіянлӧ!»

Иоан 21:1

Сыбӧрын Исусыс бӧра мыччасис Аслас велӧтчиссезлӧ Тивериада ты дорын.

Иоан 21:14

Сэтӧн Исусыс куимӧтісь мыччасис велӧтчиссеслӧ ловзьӧм бӧрас.

Ап. керӧммез 1:3

Кулӧм бӧрас Исусыс Аслас велӧтчиссезлӧ унаись мыччасьӧмнас сетіс тӧдны: Сія былись ловзис. Нёльдас лун сьӧрна мыччасьӧммес коста Исусыс висьтасис нылӧ Енлӧн Юралӧм йылісь.