Марк 16:13 - Бур Юӧр 2019

¹³ Нія бӧр бертісӧ да висьталісӧ Исуслӧн ловзьӧм йылісь мӧдіккезлӧ, но и нылӧ эзӧ веритӧ.

Марк 16:13 Mawu Ofanana

Матвей 28:17

Исуссӧ казялӧм бӧрын нія Сылӧ муӧдз копыртчисӧ. А мукӧдыслӧ ны коласісь эз веритсьы.

Марк 16:11

Кӧр нія кылісӧ, Исусыс пӧ ловья и Марияыс Сійӧ адззылӧм, нія эзӧ веритӧ.

Марк 16:14

Медбӧрын Исусыс мыччасис дасӧтік велӧтчисьлӧ сёйтӧнняныс. Сія ӧмаліс нійӧ чорыт сьӧлӧммезныс понда, мыля нія эзӧ веритӧ отирлӧ, кӧдна адззылісӧ Сійӧ ловзьӧм бӧрас.

Лука 16:31

Авраамыс сылӧ шуис: "Озӧ кӧ нія кывзӧ Моисейсӧ да Енсянь юӧртіссесӧ, сэк нія и кулӧммес коласісь ловзьӧмыслӧ озӧ веритӧ"».

Лука 24:11

Нія инькаэслӧ эзӧ веритӧ, мый пӧ нія абутӧмсӧ баитӧны.

Лука 24:41

Нійӧ гажувьяныс диво кутіс, эз и веритсьы. Сія юаліс нылісь: «Эстӧн тіян эм кытшӧмкӧ сёян?»

Иоан 20:25

Мӧд велӧтчиссес сылӧ висьталісӧ: «Мийӧ адззылім Дӧсвидзисьсӧ». А Фомаыс нылӧ висьталіс: «Ог кӧ адззыв Сылісь кӧрттуввезсянь дойдӧм киэсӧ, ог кӧ пешлы нійӧ чуньнам да ог кӧ пешлы киэзнам Сылісь ордлыэсӧ, ог верит».

Иоан 20:8

Сэк пырис и мӧд велӧтчисьыс, кӧда локтіс одзжык. Сія казяліс лоӧмсӧ да пондіс веритны.