Марк 13:13 - Бур Юӧр 2019

¹³ Ме понда тійӧ син вылӧ одӧ пондӧ ковны быдӧнныслӧ. Кин медбӧрӧдз вермас видзсьыны, сія мезмас».

Марк 13:13 Mawu Ofanana

Матвей 10:22

Ме понда быдӧнныслӧ тійӧ син вылӧ одӧ пондӧ ковны. Кин медбӧрӧдз вермас видзсьыны, сія мезмас.

Матвей 24:13

Кин медбӧрӧдз вермас видзсьыны, сія мезмас.

Матвей 24:9

Сэк тіянӧс пондасӧ дзескӧтлыны, унаӧс виясӧ. Менам ним понда быдӧнныслӧ тійӧ син вылӧ одӧ пондӧ ковны.

Марк 13:12

Вон ассис вонсӧ сетас вийны, ай ─ ассис челядьсӧ. Челядь лэбтісясӧ ай-мамныс вылӧ да нійӧ виясӧ.

Лука 21:17

Менам ним понда тійӧ некинлӧ син вылӧ одӧ пондӧ ковны.

Лука 6:22

Шудаӧсь тійӧ, кӧр Морт Зон понда син вылӧ одӧ пондӧ ковны, кӧр тіянӧс вашӧтасӧ, пондасӧ видны, тіянлісь нимнытӧ нятьнас тыртасӧ.

Иоан 15:21

Быдӧс сійӧ тіянлӧ керасӧ Менам ним понда сійӧн, мыля озӧ тӧдӧ Сійӧ, Кин Менӧ ыстіс.

Иоан 17:14

Ме сеті нылӧ Тэнчит кывтӧ. Ӧні нія отирыслӧ син вылӧ эзӧ пондӧ ковны сійӧн, мыля нія абу эта му вылісь, кыдз и Ме абу эта му вылісь.

Римын оліссезлӧ 2:7

Пырся олансӧ Сія сетас бурсӧ дугдывтӧг керись отирлӧ. Нія эд кошшӧны ошкӧмсӧ, бурӧ пуктӧмсӧ да пырсясӧ.

Галатияын оліссезлӧ 6:9

Бурсӧ кертӧн юрнытӧ эд ӧшӧтӧ. Пондам кӧ керны бурсӧ, сэк аскадӧ босьтам кӧдзӧмнымӧс, огӧ кӧ сетчӧ мыдзӧмыслӧ.

Еврейезлӧ 10:39

Мийӧ эд абу ны коласісь, кин Ен дынісь бергӧтчӧ да кулӧ. Мийӧ ныкӧт, кин веритӧ да мезмӧ.

Еврейезлӧ 3:14

Кристослӧ лӧсьӧтӧм пайыс дӧнзяс и миянлӧ, пондам кӧ бура веритны медбӧрӧдз, кыдз и пондім.

Яков 1:12

Шуда мортыс, кӧда сьӧкытӧттяс-ылӧтанӧттяс мунас да вермас видзсьыны. Сылӧ Еныс сетас козин ─ олан юркытш. Сійӧ Еныс кӧсйӧм сетны Сійӧ радейтіссеслӧ.

1 Иоан 3:13

Воннэзӧ, тіянӧс ась диво оз кут, му вылісь отирыслӧ син вылӧ кӧ одӧ колӧ.

Осьтӧм 2:10

Тэныт ковсяс ёна пессьыны-мырсьыны, но немись эн пов. Тіян коласісь мукӧдсӧ кульыс пондас кутлыны, пуксьӧтлыны, медбы тӧдмавны-видзӧтны тіянлісь видзсян выннытӧ. Дас лун тійӧ пондат пессьыны. Но тэ нельки кувтӧдз видзсьы веритӧмнат, и Ме сета тэныт Олан юркытш.

Осьтӧм 3:10

Тэ кывзін Менӧ, мылаыт быртӧг видзсин. Сійӧн и Ме видза тэнӧ сьӧкыт кадӧ. Сія сьӧкытыс лоас быдсӧн муыс пасьта, медбы тӧдмавны-видзӧтны му вылісь оліссесӧ.