Марк 12:26 - Бур Юӧр 2019

²⁶ А кулӧмись ловзьӧм йылісь эдӧ разь лыддьӧтлӧ Моисей небӧгись. Сотчан жельнӧгыс дынын Моисейыслӧ Еныс висьталӧм: "Ме Авраамлӧн Ен, Исаклӧн Ен да Яковлӧн Ен".

Марк 12:26 Mawu Ofanana

Лука 20:37

Кулӧммезісь ловзьӧмсӧ эд Моисейыс мыччаліс сотчан жельнӧг дынын. Моисейыс шуис, Медвылісьыс пӧ Авраамлӧн Ен, Исаклӧн Ен, Яковлӧн Ен.

Марк 12:10

Эдӧ разь тійӧ некӧр лыддьӧтлӧ Вежа Гижӧтсис: ─ Изыс, кӧдӧ керку лэбтіссес пуктісӧ абутӧм туйӧ, лоис пельӧс изӧн.

Марк 12:25

Ловзьӧммес озӧ пондӧ гӧтрасьны да озӧ пондӧ петны жӧник сайӧ. Нія лоасӧ енӧжись ангеллэз кодьӧсь.

Иоан 20:17

Исусыс горӧтчис сылӧ: «Эн павкӧтчы Ме бердӧ. Ме эд эг на лэбтісь Айӧ дынӧ. Мун Менам воннэз дынӧ да висьтав нылӧ: Ме лэбтіся Аслам Ай дынӧ да тіян Ай дынӧ. Лэбтіся Аслам Ен дынӧ да тіян Ен дынӧ».

Римын оліссезлӧ 11:2

Эз коль Еныс Ассис отирсӧ. Сія эд одззасянь нійӧ вӧлі бӧрйӧм. Одӧ разь тійӧ тӧдӧ Вежа Гижӧтсӧ, сэтӧн Илляыс йылісь висьтасьӧмсӧ? Сія тай Израиль отирыс вылӧ норасьӧм Еныслӧ: