Марк 10:27 - Бур Юӧр 2019

²⁷ Исусыс ны вылӧ видзӧтӧмӧн шуис: «Мый морт оз вермы, сійӧ вермӧ Еныс. Сія эд быдӧс вермӧ».

Марк 10:27 Mawu Ofanana

Матвей 19:26

Исусыс видзӧтіс ны вылӧ да висьталіс: «Морт оз вермы, но Еныс эд быдӧс вермӧ».

Лука 1:37

Еныс эд быдӧс вермӧ керны».

Лука 18:27

Исусыс висьталіс: «Мый морт оз вермы, сійӧ вермӧ Еныс».

Еврейезлӧ 11:19

Авраамыс видзӧм юрас: Еныс вермас ловзьӧтны и кулӧмсӧ. Сія бӧр сідз и босьтӧм Исаксӧ, жыв сія кувлӧм и ловзьӧм.

Филипын оліссезлӧ 3:21

Сылӧ сетӧм вын быдӧс босьтны Аслас киӧ. Сія жӧ вынӧн Кристосыс миянлісь кулана вывтыррезнымӧс мӧдкодьсьӧтас. Нія лоасӧ Сылӧн югьялан вывтыр кодьӧсь.

Еврейезлӧ 7:25

Сійӧн Сія вермӧ мездыны Еныс дынӧ Сы пыр быд локтісьсӧ. Сія эд пыр олӧ, медбы Еныс одзын кеймисьны ны понда.

Марк 10:26

Велӧтчиссесӧ диво кутіс. Нія баитісӧ ас коласаныс: «Кин нӧ сэк вермас мезмыны?»