Марк 10:22 - Бур Юӧр 2019

²² Сылӧн кыввес мортсӧ ӧштӧтісӧ. Сія ӧшӧтіс юрсӧ да муніс, сылӧн эд вӧлӧм пажытьыс уна.

Марк 10:22 Mawu Ofanana

Лука 12:15

Сія быдӧнныслӧ висьталіс: «Видзӧтӧ, эд горшасьӧ. Уна пажыть ӧктӧмсянь мортлӧн оланыс эд оз видзсьы».

2 Тимофейлӧ 4:10

Димас тай сьӧлӧмнас лякасис му вылас олӧм бердӧ. Сія менӧ колис, муніс Фессалоникаӧ. Крискент муніс Галатияӧ, Тит ─ Далматияӧ. Мекӧт дзир Лукаыс.

Ефесын оліссезлӧ 5:5

Тӧдӧ, некытшӧм кыскасисьлӧ, сэрпӧсьлӧ, горшасисьлӧ Енлӧн да Кристослӧн Юраланінісь нем оз дӧнзьы. Горшасьӧмыс эд ас керӧм енлӧ копрасьӧм.

2 Коринфын оліссезлӧ 7:10

Еныс понда кӧ мортыс тӧждісьӧ, сія дугдӧ керны умӧльсӧ да мезмӧ. А мезмӧм йылісь жалейтны оз ков! Му вылісьыс понда кӧ мортыс тӧждісьӧ, сія тӧждісьӧмыс вайӧтӧ кулӧмӧдз.

Лука 18:23

Сэтшӧмсӧ кылӧмсянь мортыс юрсӧ ӧшӧтіс. Сылӧн эд пажытьыс вӧлӧм ӧддьӧн уна.

Матвей 19:22

Нійӧ кыввесӧ кылӧм бӧрын мортыс ӧшӧтіс юрсӧ да сэтісь муніс. Сылӧн эд уна вӧлӧм пажытьыс.

Матвей 13:22

Йӧн коласӧ усьӧм кӧдзысыс лоӧ то мый: морт Кывсӧ кылӧ, но сылӧн быд лунся тӧждісьӧмыс да унажык сьӧм шедтӧмыс пӧдтӧны Кывсӧ. Сійӧн сэтӧн абу бур воӧмыс.

Марк 6:26

Иродсӧ гажтӧмыс кутӧм, но отир одзын сетӧм кыв кузя абу керсьӧм бӧрлань.

Матвей 27:3

Исусӧс вузалісь Иуда тӧдмалӧм, Исуссӧ пӧ суд вылас шуӧмась сетны вийны. Ассис умӧль керӧмсӧ вежӧртӧм бӧрын сія бӧр сетӧм куимдас эзысь сьӧмсӧ аркирейеслӧ да бӧрйӧм пӧриссеслӧ.

Марк 6:20

Иродыс тӧдӧм: Иоаныс Ен сьӧрті веськыта олісь да вежа морт. Сія полӧм Иоансис да сійӧ дорйӧм. Сія уна керӧм Иоанлӧн висьталӧм сьӧрті. Иродлӧ гленитчӧм кывзыны сійӧ.

Марк 10:21

Исусыс видзӧт-керис сы вылӧ. Мортыс вӧлі Сылӧ сьӧлӧмви. Исусыс шуис: «Дзир ӧтікыс тэныт оз тырмы: мун, и мый тэнат эм, быдӧс вузав да сьӧмсӧ сетав кориссезлӧ. Сэк лоас тэныт дона пажытьыс енӧжас. Сыбӧрын босьт ассит кресттӧ да лок мунны Ме сьӧрӧ».

Марк 10:23

Исусыс видзӧтіс Аслас велӧтчиссез вылӧ да висьталіс: «Кытшӧм сьӧкыт бура олісьлӧ пырны Енлӧн Юраланінӧ!»