Марк 1:5 - Бур Юӧр 2019

⁵ Сы дынӧ отирыс вовлывлісӧ Иудея муись быдласянь да Ерусалим карись. Нія висьтасисӧ асланыс умӧль керӧммез йылісь. Сыбӧрын Иоаныс пыртіс нійӧ Иордан юын.

Марк 1:5 Mawu Ofanana

Матвей 4:25

Исусыс сьӧрын ветлӧтіс унася-уна отир: Галилеяись, Дас карлӧн муись, Иудеяись, Иордан ю сайын муись да Ерусалим карись.

Марк 1:4

Кушмуӧ локтіс Иоан да отирсӧ пыртіс. Сія отирсӧ тшӧктіс бергӧтчыны умӧль керӧммезныс дынісь да пыртчыны, медбы Еныс нылісь умӧль керӧммезнысӧ проститіс.

Марк 1:6

Иоаныс новйис паськӧмсӧ верблюд гӧнісь да йыасьліс кучик йыӧн. Сія сёйис саранчаэз да вӧр ма.

Иоан 1:28

Эта вӧлі Вифаварын, Иордан ю дорын. Сэтӧн Иоаныс пыртіс отирсӧ.

Иоан 3:23

Сы коста Иоаныс пыртіс отирсӧ Енонын, матын Салим кар дынын. Сэтчин вӧлі уна ва. Отирыс вовлісӧ Иоаныс дынӧ пыртчыны.

Иоан 5:35

Иоаныс вӧлі сотчан-югдӧтан би. Тійӧ тай мӧдіт кӧть недыр гажӧтчыны сы югдӧтӧм дырни.

Ап. керӧммез 19:18

Унаӧн вовлісӧ Исуслӧ виль веритіссез коласісь. Нія осьтісӧ-висьтасисӧ умӧль керӧммезнысӧ.

Ап. керӧммез 2:38

Петраыс висьталіс нылӧ: «Бергӧтчӧ умӧль керӧммезныт дынісь да Кристос Исус нимӧн пыртчӧ, медбы Еныс проститіс умӧль керӧммезнытӧ. Сэк Сія козьналас тіянлӧ Вежа Ловсӧ.

Яков 5:16

Ӧтамӧдныт одзын висьталӧ умӧль керӧмнытӧ. Кеймӧ ӧтамӧдныт понда, медбы тійӧ веськаліт. Уна вермӧ керны Ен сьӧрті веськыта олісьлӧн вына кеймӧмыс.