Марк 1:32 - Бур Юӧр 2019

³² Рытнас, шонді лэдзчӧм бӧрас, Исусыс дынӧ вайӧтісӧ быдӧс шогаліссесӧ да сэрпӧсь ловсянь пессись-мырсись отирсӧ.

Марк 1:32 Mawu Ofanana

Матвей 4:24

Сы йылісь юӧрыс паськаліс Сирия муыс пасьта. Исусыс дынӧ быдлаын вайӧтлісӧ быдкодь шогӧтӧн шогаліссесӧ: зубытсянь да сэрпӧсь ловсянь пессись-мырсиссесӧ, усяліссесӧ, параличӧн личкӧм отирӧс. Сія быдӧннысӧ веськӧтліс.

Матвей 8:16

Рытнас Исусыс дынӧ вайӧтісӧ уна йӧзӧс, кӧднаын вӧлісӧ сэрпӧсь ловвез. Исусыс Аслас висьталӧм кылӧн вашӧтіс сэрпӧсь ловвесӧ да веськӧтіс шогаліссесӧ.

Матвей 8:17

Керсис Енсянь юӧртісь Исайлӧн этадз висьталӧм сьӧрті: ─ Миянлісь шогӧттэсӧ Сія босьтіс Ас вылас, Миянлісь висьӧммесӧ нуӧтіс.

Марк 1:21

Нія локтісӧ Капернаум карӧ. Медодзза шоччисян лунӧ Исусыс пырис синагогаӧ да велӧтіс отирсӧ.

Марк 1:31

Исусыс сибӧтчис, кутіс сійӧ киӧттяс да чеччӧтіс. Шогӧтыс сэк жӧ чулаліс, и инькаыс пондіс лӧсьӧтны пызан вылӧ сёян.

Марк 3:2

Фарисейес Исуссӧ мыйынкӧ мӧдісӧ кутны. Сійӧн видзӧтісӧ Сы сьӧрын, оз я веськӧт косьмӧм киа мортсӧ шоччисян лунӧ. Сэк лоас мый понда Сійӧ судитны.

Лука 4:40

Шонді пуксян кадӧ Исусыс дынӧ вайӧтісӧ быдкодь шогӧта отирӧс. Исусыс быд морт вылӧ киэсӧ пуктӧмӧн нійӧ веськӧтіс.

Лука 4:41

Уна отир пытшкись горӧтӧмӧн петісӧ сэрпӧсь ловвез. Нія баитісӧ: «Тэ Кристос, Енлӧн Зон!» Исусыс нійӧ ӧліс, эз лэдз висьтасьны Ас йывсис нылісь тӧдӧмсӧ. Нія эд тӧдісӧ: Сія ─ Кристос-Мездӧтісь.