Лука 9:41 - Бур Юӧр 2019

⁴¹ Исусыс шуис: «Вериттӧм, лэдзчисьӧм отир! Кытчӧдз Ме лоа тіянкӧт? Дыр я понда видзӧтны тіян вылӧ? Вайӧт татчӧ ассит зонтӧ».

Лука 9:41 Mawu Ofanana

Иоан 20:27

Сэсся горӧтчис Фомаыслӧ: «Вай татчӧ чуньтӧ да видзӧт Менчим киэзӧс, вай китӧ да пешлы ордлыэзӧс. Эн ло вериттӧмӧн, но ло веритісьӧн».

Иоан 14:9

Исусыс шуис сылӧ: «Филип, сы дырна Ме тіянкӧт, и тэ он тӧд Менӧ! Кин адззыліс Менӧ, сія адззыліс Айӧс. Мыля нӧ тэ баитан, мыччав пӧ миянлӧ Айтӧ?

Марк 9:19

Исусыс горӧтчис: «Вериттӧм отир! Кытчӧдз Ме лоа тіянкӧт? Дыр я Меным видзӧтны тіян вылӧ? Вайӧтӧ зонкасӧ Ме дынӧ».

Матвей 17:17

Сэк Исусыс шуис: «Вериттӧм, лэдзчисьӧм отир! Дыр я Меным овны тіянкӧт? Дыр я Меным тіян вылӧ видзӧтны? Вайӧтӧ зонкасӧ Ме дынӧ!»

Еврейезлӧ 7:25

Сійӧн Сія вермӧ мездыны Еныс дынӧ Сы пыр быд локтісьсӧ. Сія эд пыр олӧ, медбы Еныс одзын кеймисьны ны понда.

Еврейезлӧ 4:11

Вынсьӧтчам пырны Сы шоччисянінӧ. Кывзісьтӧм отир моз ась некин оз кольччы шоччисянінас пыртӧг.

Еврейезлӧ 4:2

Миянлӧ вайисӧ Бур Юӧрсӧ айезнымлӧ моз. Кылӧмыссянь нылӧ эз вӧв бурыс. Кылыс эз йидж сьӧлӧманыс, кыліссес эд эзӧ веритӧ юӧртӧмыслӧ.

Еврейезлӧ 3:19

Мийӧ адззам, нія эзӧ вермӧ пырны Енлӧн шоччисянінӧ, эзӧ веритӧ да.

Римын оліссезлӧ 2:4

Поди, тэ абутӧм туйӧ пуктан Еныслісь небыт сьӧлӧмсянь бур керӧмсӧ да мылаыс быртӧг дыр видзчисьӧмсӧ, а ачыт тай он вежӧрт керсьӧмсӧ. Еныслӧн небыт сьӧлӧмсянь керӧмыс эд вайӧтӧ тэнӧ умӧль керӧммет дынісь Енлань бергӧтчӧмӧдз.

Ап. керӧммез 13:18

Нёльдас во сьӧрна Еныс вердӧм нійӧ кушмуын.

Ап. керӧммез 2:40

Петраыс уна мый висьтасис отирыслӧ. Сія нійӧ корис-тшӧктіс: «Мездісьӧ ӧння кадӧ лэдзчисьӧм отир дынісь, медбы ныкӧт эд сюрӧ мыжйыны».

Лука 8:25

Сэк Сія велӧтчиссеслӧ висьталіс: «Кытӧн тіян веритӧмныт?» Нійӧ повзьӧмувьяныс диво кутіс. Нія ӧтамӧдныслӧ баитісӧ: «Кин Сія? Тӧлӧн, ваӧн веськӧтлӧ, и нія кывзісьӧны Сійӧ».

Матвей 16:4

Ӧння кадӧ оліссес Ен дынісь ылалӧм лӧг отир. Нія мыччалан пассэз адззылӧны бы. Енсянь юӧртісь Ионалӧн пасся мӧдік пас нія озӧ адззылӧ». Исусыс сэтісь муніс, нійӧ колис.

Матвей 12:39

Исусыс нылӧ висьталіс: «Ӧння кадӧ оліссес ылалӧм да лэдзчисьӧм отир. Нія корӧны мыччавны пас. Енсянь юӧртісь Ионалӧн пасся мӧдік пас нія озӧ адззылӧ.

Матвей 3:7

Иоан дынӧ пыртчыны локтісӧ уна фарисейез да садукейез. Иоаныс нійӧ казяліс да шуис: «Кыйсянь шогмӧммез! Кин тіянӧс велӧтіс пышшыны локтан лӧгсис?

Марк 10:49

Исусыс сувтчис да тшӧктіс сійӧ корны. Синтӧмсӧ корисӧ да висьталісӧ: «Эн пов, чеччы, Исусыс корӧ тэнӧ».

Марк 10:14

Сійӧ казялӧмсянь Исусыс лӧгасис да нылӧ висьталіс: «Лэдзӧ челядьсӧ локны Ме дынӧ, эд падмӧтӧ нійӧ. Ны коддеслӧ эд лӧсьӧтӧм Енлӧн Юраланіныс.

Матвей 23:36

Веськыта тіянлӧ висьтала: быдӧс эта понда мыжйӧмыс локтас ӧння кадӧ оліссез вылӧ!»

Матвей 12:45

Сэсся корӧ сьӧрас сизим сэрпӧсь лолӧс. Нія сысся лёкжыкӧсь. Быдӧнныс пырӧны овны сэтчӧ. Сэк сія мортлӧ лоӧ одззаысся умӧльжык. Сідз лоас и этія лӧг увтырлӧ!»

Матвей 11:28

Сьӧкыта мырсиссез да мыдзӧммез, локтӧ Ме дынӧ. Ме тіянӧс шоччӧта.

Лука 9:40

Ме кори Тэнчит велӧтчиссетӧ вашӧтны сійӧ, но нія эзӧ вермӧ».

Лука 9:42

Кӧр зонкаыс пондіс сибӧтчыны Исусыс дынӧ, сэрпӧсь лолыс сійӧ уськӧтіс да пондіс ойтӧлӧн кыскыны. Исусыс ӧліс сэрпӧсь ловсӧ, веськӧтіс зонкасӧ да сетіс айыслӧ.