Лука 9:16 - Бур Юӧр 2019

¹⁶ Исусыс босьтіс вит няньсӧ кык черинас, видзӧтіс енӧжас да бласлӧвитіс сёянсӧ. Сэсся чеглаліс няньсӧ да сетіс велӧтчиссеслӧ, а нія сеталісӧ отирыслӧ.

Лука 9:16 Mawu Ofanana

Матвей 14:19

Сія тшӧктіс отирыслӧ пуксьыны му вылас. Сэсся босьтіс вит няньсӧ кык черинас. Енӧжӧ видзӧтӧмӧн бласлӧвитіс сёянсӧ, чеглаліс няньсӧ да сетіс велӧтчиссеслӧ, нія ─ отирыслӧ.

Лука 24:30

Ӧтлаын пызан саяс пукалӧм коста Исусыс босьтіс нянь, бласлӧвитіс, чегӧтіс да сетіс нылӧ.

Матвей 15:36

Сія босьтіс сизим няньсӧ да черисӧ, буркывтіс Енсӧ, чеглаліс няньсӧ да сетіс велӧтчиссеслӧ. Велӧтчиссес сеталісӧ отирыслӧ.

Римын оліссезлӧ 14:6

Морт кытшӧмкӧ лун пуктӧ кӧ вежалунӧ, Ен сьӧрті керӧм понда пуктӧ. Быд лун ӧткодьӧн лыддись мортыс луннэсӧ Ен сьӧрті керӧм понда ӧткодьсьӧтӧ. Быдкодь сёян сёйись мортыс Ен сьӧрті керӧм понда сёйӧ. Сія эд Енсӧ буркывтӧ. Мортыс оз кӧ сёй кытшӧмкӧ сёян, Ен сьӧрті керӧм понда оз сёй. И сія Енсӧ буркывтӧ.

Ап. керӧммез 27:35

Сідз висьталӧм бӧрын сія босьтіс нянь. Быдӧнныс одзын буркывтіс Енсӧ, чегӧтіс да пондіс сёйны.

Иоан 6:23

Тивериада карись локтісӧ мӧдік пыжжез сэтчӧ, кытӧн Дӧсвидзисьыс Енсӧ буркывтӧмӧн вердіс отирсӧ няньнас.

Иоан 6:11

Исусыс босьтіс няннесӧ, буркывтіс Енсӧ да сетіс велӧтчиссеслӧ. Мӧддэс сеталісӧ няньсӧ отирыслӧ. Сідз сеталісӧ и черисӧ, кинлӧ мымда коліс.

Лука 22:19

Сэсся босьтіс нянь, буркывтіс Енсӧ, чегис да велӧтчиссеслӧ сетікӧ шуис: «Эта Менам Вывтырӧ. Сія лоас сетӧм тіян понда. Сідз керӧ Менӧ тӧдвыланыт видзӧм могись».

1 Коринфын оліссезлӧ 11:24

Сія Енсӧ буркывтӧм, чегӧтӧм няньсӧ да висьталӧм: «Босьтӧ, сёйӧ. Эта менам Вывтырӧ, тіян понда сетӧм чегны. Сідз керӧ Менӧ тӧдвыланыт видзӧм могись».

1 Коринфын оліссезлӧ 10:30

Ме сёяныс понда Енсӧ буркывта да вӧлись сёя. Мыйлӧ сэк ме йылісь умӧльсӧ юрӧ пыртны, ме сы понда кӧ Енсӧ буркывта.

Марк 7:34

Исусыс видзӧтіс енӧжӧ, ышловзисис да висьталіс мортыслӧ: «Эффата!», мый позьӧ вуджӧтны: «Оссьы!»

Лука 9:15

Нія сідз и керисӧ, быдӧннысӧ пуксьӧтісӧ.

Лука 9:17

Быдӧнныс сёйисӧ пӧттӧдз. Кольччӧм нянь торресӧ ӧктісӧ даскык куд.