Лука 8:13 - Бур Юӧр 2019

¹³ Изъяинӧ усьӧм кӧдзыс туссес ─ Кывсӧ кылікӧ сійӧ гажӧн босьтіссез. Вуджыс жӧ нылӧн абу. Кытшӧмкӧ кадӧдз веритӧны, сьӧкыт кадӧ бӧр керсьӧны.

Лука 8:13 Mawu Ofanana

Марк 6:20

Иродыс тӧдӧм: Иоаныс Ен сьӧрті веськыта олісь да вежа морт. Сія полӧм Иоансис да сійӧ дорйӧм. Сія уна керӧм Иоанлӧн висьталӧм сьӧрті. Иродлӧ гленитчӧм кывзыны сійӧ.

Лука 8:12

Туй дорӧ усьӧм кӧдзыс туссес ─ кывзіссез. Ны дынӧ сэсся локтӧ кульыс, сьӧлӧмсиныс нӧбӧтӧ Кывсӧ, медбы нія эзӧ веритӧ да эзӧ мезмӧ.

Лука 8:14

Йӧн коласӧ усьӧммес ─ Кывсӧ кыліссес. Нія тӧждісьӧмнаныс, уна сьӧмнаныс да долыта му вылын олӧмнаныс пӧдтӧны Кывсӧ. Сэтӧн бур воӧмыс абу.

Иоан 15:2

Менчим уввесӧ, кӧдна озӧ вайӧ воӧмсӧ, Сія кералӧ. Нійӧ уввесӧ, кӧдна вылын эм воӧмыс, Сія весӧтӧ, медбы унажык вайисӧ воӧмсӧ.

Иоан 15:6

Кин оз ло Мекӧт йитчӧм, увсӧ моз сійӧ чапкасӧ, и сія косьмас. А сэтшӧм уввесӧ ӧктӧны да шупкӧны биӧ, и нія сотчӧны.

Иоан 5:35

Иоаныс вӧлі сотчан-югдӧтан би. Тійӧ тай мӧдіт кӧть недыр гажӧтчыны сы югдӧтӧм дырни.

1 Коринфын оліссезлӧ 13:2

Ме верма Енсянь юӧртны, тӧда быдӧс тӧдлытӧмсӧ, быдпӧлӧссӧ вежӧрта. Ме ёна верита, верма нельки вештавны керӧссэз, а радейтӧмӧ кӧ абу, сэк ме абутӧм туйӧ.

1 Коринфын оліссезлӧ 15:2

Олат кӧ Бур Юӧрыс сьӧрті сідз, кыдз тіянлӧ висьтаси, Бур Юӧрыс отсӧтӧн тійӧ и мезмат. Одӧ кӧ сідз олӧ, сэк веритӧмныт абутӧм туйӧ.

Галатияын оліссезлӧ 3:1

Галатияись отир, ылӧстӧммез! Кин тіянӧс ылӧтіс, медбы эдӧ кывзісьӧ быльсӧ? Кристос Исусыс йылісь висьтасьӧмӧ коста тійӧ кывзіт сідз, жыв Сія тіян син одзын вӧлі дорӧм крест вылас.

Галатияын оліссезлӧ 3:4

Сэтшӧм уна тіян вылӧ усис сьӧкытыс, сія эз разь тіянӧс немӧ велӧт? Сідз оз вермы лоны, сія эд тіянӧс мыйӧкӧ велӧтіс жӧ!

Ефесын оліссезлӧ 3:17

Веритӧмныт пыр Кристосыс ась олӧ сьӧлӧммезаныт.

Колосын оліссезлӧ 1:23

Сійӧн тіянлӧ колӧ ёна сулавны веритӧмас. Бур Юӧрыс сетіс тіянлӧ надеясӧ, сэтісь эд янсалӧ. Тіянлӧ да и енӧж увтас быд олісьӧ сія вӧлі юӧртӧм. Меным, Павеллӧ, Еныс сетіс сійӧ уджсӧ ─ висьтасьны Бур Юӧрсӧ.

Колосын оліссезлӧ 2:7

Тіянӧс эд велӧтісӧ Сылӧ веритны. Сійӧн лэдзӧ вуджжезнытӧ, ась вынсялӧ Кристослӧ веритӧмныт. Быд сьӧлӧмсянь буркывтӧ Енсӧ.

1 Фессалоникаын оліссезлӧ 3:5

Ме эг ни вермы видзсьыны, сійӧн ысті Тимофейсӧ тӧдны тіян веритӧм йылісь. Ме полі, ылӧтлісьыс эз жӧ бы ылӧт тіянӧс, да миян уджным эз ло весись.

1 Тимофейлӧ 1:19

Быдӧс кер ёна веритӧмӧн да ов сідз, медбы сьӧлӧмытлӧ нем вӧлі висьтавны умӧльсӧ. Мукӧдыс сьӧлӧмныслісь висьталӧмсӧ пуктісӧ абутӧм туйӧ, сійӧн нылӧн веритӧмныс косьмӧм шор моз ӧшис.

Еврейезлӧ 10:39

Мийӧ эд абу ны коласісь, кин Ен дынісь бергӧтчӧ да кулӧ. Мийӧ ныкӧт, кин веритӧ да мезмӧ.

Яков 2:26

Мортыс оз кӧ лолав, сія кулӧм. Сідз и мортлӧн веритӧмыс: бурсӧ нем оз кӧ кер, сія кулӧм.

2 Петра 2:20

Миянлісь Дӧсвидзисьсӧ, Мездӧтісь Кристос Исуссӧ, нія пондісӧ тӧдны. Сійӧн нія му вылісь сэрпсис мезмисӧ, но сэсся бӧра сэтчӧ сюрӧны да умӧльыс вермӧ нійӧ. Сэтшӧммеслӧ медбӧрьяыс лоас одззаыс сьӧрті умӧльжык.

2 Петра 2:22

Ныкӧт петӧ отирлӧн бура висьталӧм сьӧрті: «Пон бертӧ аслас ӧс дынӧ» да «Миссьӧтӧм порсь пырӧ туплясьны нятьӧ».

1 Иоан 2:19

Нія петісӧ миян дынісь, а миянкӧт ӧтдор нія эзӧ вӧлӧ. Вӧлісӧ бы нія мияніссезӧн, сэк кольччисӧ бы миянкӧт. Ны петӧм сьӧрті казялім: абу быдӧнныс миянкӧт ӧтвылісь.

Иуда 1:12

Ӧксьывлӧммезныт коста сэтшӧм отирыс тіян коласын кыдз ляккез. Радейтӧмӧн сёян дорын рытъялӧмныт коста нія тіянкӧт ӧтлаын повтӧг сёйӧны-юӧны, дзир ас йывсиныс тӧждісьӧны. Нія кыдз тӧлӧн новйӧтан зэртӧм кымӧррез. Нія кыдз арся пуэз, кӧдна нем эзӧ сетӧ воӧмсӧ, вудж сорнас шедтӧмӧсь, кыкись кулӧмӧсь.