Лука 5:30 - Бур Юӧр 2019

³⁰ Туйдӧтӧ велӧтіссес фарисейескӧт Исуслӧн велӧтчиссезлӧ лӧгӧн висьталісӧ: «Мыля тійӧ сёят вот ӧктіссезкӧт да умӧльсӧ кериссезкӧт?»

Лука 5:30 Mawu Ofanana

Ап. керӧммез 23:9

Лэбтісис ванзӧм-горӧтлӧм. Сэк фарисейез ладорись чеччисӧ Туйдӧтӧ велӧтіссез да пондісӧ вермасьӧмӧн баитны: «Эта мортісь умӧльсӧ мийӧ огӧ адззӧ. Поди, сылӧ былись ангел али лов баитіс. Огӧ пондӧ сувтны Еныслӧ паныт».

Лука 19:7

Отирыс сійӧ адззылісӧ да лӧгӧн пондісӧ баитны: «Сія пырис умӧльсӧ керись морт ордӧ».

Лука 5:21

Туйдӧтӧ велӧтіссес фарисейескӧт юраныс пыртісӧ: «Кин Сія сэтшӧмыс? Сія Еныс вылын сералӧ. Ӧтік Енся кин вермас проститны умӧль керӧммез?»

Лука 5:17

Ӧтік лунӧ Исусыс велӧтіс. Сэтӧн пукалісӧ и фарисейез Туйдӧтӧ велӧтіссезкӧт. Нія кывзыны локтӧмась Галилея да Иудея муэзісь быдласянь да Ерусалимись. Дӧсвидзись Ен вынӧн Исусыс веськӧтіс шогаліссесӧ.

Марк 7:3

Фарисейес да и иудейес быдӧнныс керӧны айезлӧн висьтавлӧм сьӧрті: озӧ сёйӧ мисьтӧм киэзӧн.

Лука 18:11

Фарисейыс сувтас да пондас ас йывсис кеймыны сідз: "Енӧ, буркывта Тэнӧ, ме эд абу мӧдік йӧз кодь: ог гусясь, ог бӧбӧт, иньӧ сайсянь ог ветлӧт, ме абу эта вот ӧктісь кодь.

Лука 7:39

Сійӧ быдӧс адззыліс гортас корись фарисейыс. Сія аслыс висьталӧм: «Вӧлі бы Сія Енсянь юӧртісь, сэк тӧдіс бы, кытшӧм инька Сы бердӧ павкӧтчӧ. Инькаыс эд умӧльсӧ керись».

Лука 7:34

Локтіс Морт Зон, сёйӧ-юӧ. Тійӧ тай баитат: "Эта мортыс радейтӧ сёйны да вина юны. Сія ёртасьӧ вот ӧктіссезкӧт да умӧльсӧ кериссезкӧт".

Матвей 5:46

Тійӧ радейтат кӧ тіянӧс радейтіссесӧ, сэк мый понда тіянлӧ козинсӧ сетны? Озӧ разь сідз керӧ и вот ӧктіссес?

Матвей 9:11

Этӧ адззылісӧ фарисейез. Нія Исуслӧн велӧтчиссезлӧ висьталісӧ: «Мыля тіян Велӧтісьныт сёйӧ ӧтлаын вот ӧктіссезкӧт да умӧльсӧ кериссезкӧт?»

Марк 2:16

Фарисейес Туйдӧтӧ велӧтіссескӧт казялісӧ, Исусыс сёйӧ ӧтлаын вот ӧктіссескӧт да умӧльсӧ кериссескӧт. Нія велӧтчиссеслӧ висьталісӧ: «Мыля Сія сёйӧ ӧтлаын вот ӧктіссезкӧт да умӧльсӧ кериссезкӧт?»

Марк 9:16

Исусыс юаліс Туйдӧтӧ велӧтіссеслісь: «Мый йылісь етшасят?»