Лука 4:8 - Бур Юӧр 2019

⁸ Исусыс висьталіс сылӧ: «Вешшы ме дынісь, сотана! Гижӧм: Аслат Дӧсвидзись Енлӧ копрась. Сылӧ ӧтнаслӧ кысъяв».

Лука 4:8 Mawu Ofanana

Матвей 16:23

Петралань бергӧтчӧмӧн Исусыс шуис: «Вешшы Ме дынісь, сотана! Тэ Менӧ ылӧтан! Тэнат юрат пыртӧмыт мортлӧн, абу Енлӧн».

Матвей 4:10

Исусыс висьталіс: «Вешшы ме дынісь, сотана! Вежа Гижӧтыс тай висьталӧ: "Аслат Дӧсвидзись Енлӧ копрась, Сылӧ ӧтнаслӧ кысъяв!"»

Лука 4:4

Исусыс сылӧ висьталіс: «Гижӧм: дзир ӧтік няньӧн оз ов мортыс, Енсянь петӧм быд кылӧн олӧ».

Лука 4:7

Сідзкӧ, Тэ кӧ копыртчан меным, быдӧс Тэнат лоас».

Яков 4:7

Сідзкӧ, сетчӧ Еныслӧ, а кульыслӧ лэбтісьӧ паныт! Сэк сія пышшас тіян дынісь.

1 Петра 5:9

Кульыслӧ паныт сувтӧ чорыта веритӧмнаныт. Тійӧ эд тӧдат: сэтшӧм пессьӧм-мырсьӧмыс усьӧ и мӧдіклаись воннэзнытлӧ.

Осьтӧм 19:10

Сэк ме уськӧтчи сылӧ коккезас копыртчыны. Сія меным висьталіс: «Видзӧт, эн кер сідз! Ме эд Енлӧн уджалісь, кыдз тэ да тэнат воннэт, кӧдна висьтасьӧны Исусыс йылісь. Еныслӧ копыртчы! Исусыс йылісь висьтасиссес эд баитӧны Енсянь юӧртан Ловсянь».

Осьтӧм 22:9

Сія тай шуис меным: «Эн кер сідз. Ме тіян кодь Енлӧ кысъялісь: тэ кодь, Енсянь юӧртісь воннэт кодь, да ны кодь, кӧдна олӧны эта небӧгын гижӧм сьӧрті. Еныслӧ копыртчы».