Лука 3:8 - Бур Юӧр 2019

⁸ Мыччалӧ керӧммезнаныт Енлань бергӧтчӧмнытӧ. Эд баитӧ аслыныт: миян айным Авраам. Тіянлӧ баита: эна иззэзісь Еныс вермас Авраамыслӧ сувтӧтны челядьсӧ.

Лука 3:8 Mawu Ofanana

Матвей 21:43

Сійӧн ме тіянлӧ висьтала: Енлісь Юралӧмсӧ тіянлісь мырддясӧ. Сійӧ сетасӧ отирлӧ, кӧдна вайӧны Ен Юралӧмлісь воӧмсӧ.

Матвей 3:8

Асланыт керӧммезӧн мыччалӧ Енлань бергӧтчӧмнытӧ.

Матвей 3:9

Эд баитӧ аслыныт, миян айным пӧ Авраам. Тіянлӧ висьтала: эна иззэзісь Еныс вермас Авраамыслӧ сувтӧтны челядьсӧ.

Лука 13:25

Локтас кад, керкусис кӧзяиныс чеччас, пӧдналас ыбӧссӧ. Сэк тійӧ ӧтӧрас сулавтӧн пондат ыбӧсас ёркӧтны да горӧтлыны: "Кӧзяин! Кӧзяин! Осьт миянлӧ!" Сія висьталас тіянлӧ: "Кытісь тійӧ? Ме тіянӧс ог тӧд".

Лука 13:26

Сэк пондат шуны: "Тэкӧт мийӧ ювлім-сёйлім. Тэ миян дынын ӧтӧрас велӧтін".

Лука 14:9

Тэнӧ да сійӧ корисьыс сэк сибӧтчас тэ дынӧ да висьталас: "Лэдз сійӧ этчӧ пуксьыны". Тэныт сэк ковсяс пуксьыны медбӧрас да гӧрдӧтны отир одзын.

Лука 19:40

Исусыс нылӧ висьталіс: «Тіянлӧ висьтала: нія пӧдналасӧ кӧ ӧмнысӧ, сэк иззэс пондасӧ горӧтны».

Лука 19:9

Исусыс сылӧ висьталіс: «Талун эта керкуӧ локтіс мезмӧмыс, и сія эд Авраамлӧн зон.

Лука 5:21

Туйдӧтӧ велӧтіссес фарисейескӧт юраныс пыртісӧ: «Кин Сія сэтшӧмыс? Сія Еныс вылын сералӧ. Ӧтік Енся кин вермас проститны умӧль керӧммез?»

Иоан 8:33

Нія висьталісӧ: «Мийӧ Авраамлӧн увтыр и некӧр эгӧ вӧлӧ раббезӧн. Мыля нӧ Тэ баитан: "Тійӧ мездӧтчат"?»

Иоан 8:39

Сэтчӧ Сылӧ висьталісӧ: «Миян айным ─ Авраам». Исусыс шуис нылӧ: «Вӧлітӧ бы тійӧ челядьыс Авраамлӧн, сэк керит бы Авраамыс моз.

Ап. керӧммез 26:20

Медодз ме висьтаси Дамаскын да Ерусалимын оліссезлӧ, сэсся Иудея муын оліссезлӧ да мӧдік отирлӧ. Ме нійӧ велӧті бергӧтчыны умӧль керӧммезныс дынісь Енлань. Велӧті асланыс оланӧн мыччавны умӧль керӧммезныс дынісь бергӧтчӧмнысӧ.

Римын оліссезлӧ 4:16

Эта кӧсйӧмыс веритӧм понда. Сія Енсянь бурсетӧм. Сія сетӧм Авраам увтырись быд мортлӧ. Сетӧм и Туйдӧт сьӧрті оліссезлӧ, сетӧм и Авраам моз веритіссезлӧ. Авраамыс эд миян быдӧннымлӧн ай.

Римын оліссезлӧ 9:7

Да и Авраамсянь чужӧммес абу быдӧнныс сылӧн челядь. Еныс тай Авраамыслӧ висьтавлӧм: «Тэнат увтырӧн пондасӧ шуны дзир Исак зоныт вужсянь чужӧммесӧ».

Филипын оліссезлӧ 1:11

Кристос Исус отсӧтӧн Ен сьӧрті веськыта олӧмсяняныт ась лоас уна бур керӧмныт. Отирыс ась лэбтӧны-ошкӧны Енсӧ бурсӧ керӧмныт понда ─ Енлӧ бур воӧмсӧ вайӧмныт понда.