Лука 23:7 - Бур Юӧр 2019

⁷ Пилатыс кыліс, Сія пӧ Ирод кипод увтын муись, сэк ыстіс Исуссӧ Ирод дынӧ. Иродыс эд нія луннэзӧ вӧлі Ерусалимас.

Лука 23:7 Mawu Ofanana

Лука 3:1

Дасвитӧт во Римын юраліс Тиверий ӧксу. Сы кипод увтісь муэзын сэк веськӧтлісӧ: Иудея муын ─ Понтий Пилат, Галилеяын ─ Ирод, сылӧн Филип воныс Итурея да Траконит муэзын, Лисаний ─ Авилинеяын.

Лука 13:31

Сія кадӧ локтісӧ мукӧд фарисейес да висьталісӧ Исусыслӧ: «Пет, мун эстісь. Иродыс мӧдӧ Тэнӧ вийны».

Матвей 14:1

Сія кадӧ Ирод ӧксулӧ кывсьӧм Исусыс йылісь.

Матвей 14:3

Иродыс Иоансӧ кӧрталӧм вӧлі да пуксьӧтӧм Филип воныслӧн Иродиада инь понда.

Матвей 14:6

Ӧтпыр Иродыс порйӧтӧм ассис чужан лун. Иродиадалӧн нылыс йӧктӧм ӧксьӧммес одзын. Эта вӧлӧм Иродыслӧ сьӧлӧмви.

Марк 6:14

Исусыс йылісь баитісӧ быдлаын. Кывсьӧм и Ирод ӧксулӧ. Отирыс шуисӧ: «Сія Пыртісь Иоан ловзьӧм. Сійӧн Сія вермӧ керны уна адззывлытӧмсӧ».

Лука 9:7

Исуслӧн быд керӧмыс кывсьӧм Ирод ӧксулӧ. Сія абу вермӧм вежӧртны лоӧмсӧ. Мукӧдыс тай баитӧмась: сія пӧ Иоаныс ловзьӧм.

Лука 23:6

Галилеясӧ кылікӧ Пилатыс юаліс: «Сія мый, Галилеяись?»

Ап. керӧммез 4:27

Быль эд, эта карын ӧксьӧммес лэбтісисӧ Тэнат Вежа Исус Зон вылӧ ─ Тэнат Мавтӧм вылӧ. Ирод да Понтий Пилат ӧтлаасисӧ Израиль йӧзкӧт да мӧдік кыввез вылын баитісь отиркӧт.