Лука 21:12 - Бур Юӧр 2019

¹² Сія лоӧмӧдз отирыс лэбтасӧ тіян вылӧ кинысӧ: пондасӧ вашӧтлыны, кутасӧ тіянӧс, вайӧтасӧ синагогаэзӧ, ӧксуэз одзӧ, юраліссез одзӧ, пуксьӧтасӧ Менам ним понда.

Лука 21:12 Mawu Ofanana

Матвей 22:6

Мукӧдыс кутасӧ ӧксулісь раббесӧ, сераласӧ ны вылын да виясӧ.

Матвей 24:8

А эта эд дзир кага вайисьлӧн зубытыс пондӧтчӧ.

Лука 21:11

Уналаын пондасӧ тшыгьявны. Уналаын муыс пондас зэгавны. Уна отир пӧрӧссэзсянь куласӧ. Енӧжас пондасӧ керсьыны быдкодь повзьӧтаннэз да вына мыччалан пассэз.

Иоан 15:20

Видзӧ юраныт Менчим висьталӧмӧс: раб абу ыджытжык аслас кӧзяинся. Менӧ кӧ вашӧтлісӧ, пондасӧ вашӧтлыны и тіянӧс. Керисӧ кӧ Менам висьталӧм кыв сьӧрті, пондасӧ керны и тіян кыв сьӧрті.

Иоан 15:21

Быдӧс сійӧ тіянлӧ керасӧ Менам ним понда сійӧн, мыля озӧ тӧдӧ Сійӧ, Кин Менӧ ыстіс.

Ап. керӧммез 22:30

Мӧд лунас сюрсӧн веськӧтлісьыс пӧрччаліс Павелыслісь домӧттэсӧ. Сія мӧдіс тӧдны быдӧс, мый понда иудейес лэбтісисӧ мортыс вылӧ. Тшӧктіс ӧксьыны аркирейеслӧ да иудейезлӧн Судитан чукӧрлӧ. Павелсӧ петкӧтіс да сувтӧтіс ны одзӧ.

Ап. керӧммез 5:40

Судитан чукӧрыс Гамалиилсӧ кывзісисӧ. Корисӧ апостоллэсӧ, тшӧктісӧ нійӧ виззьыны-шулявны. Эзӧ лэдзӧ нійӧ баитны Исусыс ним йылісь. Сэсся лэдзисӧ.

Ап. керӧммез 8:3

Савлыс тай летіс-куталіс веритіссесӧ. Сія пыравліс керкуэзӧ да ай отирӧс, инькаэзӧс кыскавліс, пуксьӧтліс.

Ап. керӧммез 9:4

Савлыс усис му вылас. Сія кыліс баитан шы: «Савл, Савл! Мыля тэ Менӧ вашӧтан?»

1 Петра 2:13

Керӧ Дӧсвидзисьыс сьӧрті: му вывсис быд юралісьсӧ кывзісьӧ. Кывзісьӧ и ӧксусӧ, сія быдӧнныс вылын юралӧ.

Осьтӧм 2:10

Тэныт ковсяс ёна пессьыны-мырсьыны, но немись эн пов. Тіян коласісь мукӧдсӧ кульыс пондас кутлыны, пуксьӧтлыны, медбы тӧдмавны-видзӧтны тіянлісь видзсян выннытӧ. Дас лун тійӧ пондат пессьыны. Но тэ нельки кувтӧдз видзсьы веритӧмнат, и Ме сета тэныт Олан юркытш.