Лука 2:25 - Бур Юӧр 2019

²⁵ Сія кадӧ Ерусалимас вӧлі Симеон нима морт. Сія юрбитіс Енлӧ да оліс Сы сьӧрті веськыта. Видзчисис Сійӧ, кин бурӧтас Израильсӧ. Вежа Лолыс вӧлі Сы вылын.

Лука 2:25 Mawu Ofanana

Лука 1:6

Нія кыкнанныс олісӧ Ен сьӧрті веськыта. Быдӧс керисӧ Дӧсвидзисьлӧн велӧтӧммез, тшӧктӧммез сьӧрті.

Лука 2:38

Исуссӧ бласлӧвитӧм коста Аннаыс сибӧтчис ны дынӧ да ошкис Дӧсвидзисьсӧ. Ерусалимлісь мезмӧмсӧ быд видзчисисьлӧ сія висьтасис Исусыс йылісь.

Марк 15:43

Локтіс Аримафея карись Ӧсип, кӧда вӧлі веськӧтліссес коласісь, быдӧнныслӧ тӧдса морт. Сія видзчисис Енлісь Юралӧмсӧ. Ӧсипыс повтӧг пырис Пилат дынӧ да корис Исуслісь шойсӧ.

Лука 1:41

Марияыслісь баитӧмсӧ кылікӧ Елизаветаыс кынӧмын кагаыс вӧрзьӧтчыштіс. Елизаветаыс тырис Вежа Лолӧн.

2 Петра 1:21

Енсянь юӧртӧмыс некӧр эз вӧв висьталӧм мортлӧ колӧм сьӧрті. Нійӧ висьтавлісӧ Вежа Лов ӧзйӧтӧмсянь Енлӧн вежа отир.

Ап. керӧммез 24:16

Сійӧн Ен да отир одзын ме пыр вынсьӧтча овны сӧстӧм сьӧлӧмӧн.

Ап. керӧммез 10:22

Мӧддэс висьталісӧ: «Мийӧ локтім Корнилийсянь, сія сё воинӧн веськӧтлісь. Сія мортыс Ен сьӧрті веськыта олӧ да Енсис полӧ. Иудейез сійӧ бурӧ пуктӧны. Енлӧн ангел тшӧктӧм сійӧ корны тэнӧ гортас да кывзыны тэнчит висьталӧмтӧ».

Ап. керӧммез 10:2

Сія вӧлі Енлӧ юрбитісь морт, гортіссескӧт оліс Енсис полӧмӧн. Пыр кеймис Енлӧ, уна отсаліс умӧля олісь отирлӧ.

Лука 1:67

Кагаыслӧн Закар айыс тырис Вежа Лолӧн да пондіс Енсянь юӧртны:

Ап. керӧммез 2:5

Ерусалимас сэк ӧксисӧ Енлӧ юрбитісь иудейез. Нія локтісӧ быд муись, быд отир коласісь.