Лука 2:14 - Бур Юӧр 2019

¹⁴ ─ Ошкӧм Еныслӧ вылын енӧжас! Лӧнь олан му вылын отирлӧ, кӧднӧ Сія радейтӧ!

Лука 2:14 Mawu Ofanana

Римын оліссезлӧ 5:1

Веритӧмным понда Еныс миянӧс керис веськыта оліссезӧн. Мийӧ Еныскӧт бурасим Дӧсвидзись Кристос Исус пыр.

Лука 19:38

Нія баитісӧ: ─ Бласлӧвитӧм Дӧсвидзись нимӧн локтісь Ӧксуыс! Енӧжын лӧнь олан, ошкӧм Медвылісь Енлӧ!

Колосын оліссезлӧ 1:20

Зоныс отсӧтӧн Айыс мӧдӧм быдӧнныскӧт бурасьны. Кристослӧн крест вылас киссьӧм Вирӧн Еныс лӧсьӧтчӧм бурасьны быдӧскӧт, мый му вылас да енӧжас.

Лука 1:79

Сія югдӧтас пемытінын, кулан вуджӧрын пукаліссесӧ. Иньдӧтас миянлісь коккезнымӧс лӧнь оланӧ.

Осьтӧм 5:13

Ме кылі, кыдз быдӧс аркмӧтӧмыс, кӧда эм енӧжас, му вылас, му пытшкас да саридзас, висьтавліс: ─ Юралан пукӧс вылас Пукалісьыслӧ да Дзельыслӧ лэбтӧм-ошкӧм, югьялӧм да юралӧм пырся-пыр!

Ап. керӧммез 10:36

Сія ыстіс Израиль отирлӧ Ассис Кывсӧ, лӧнь олан йылісь Бур Юӧрсӧ, кӧдӧ вайис Кристос Исус. А Сія ─ Дӧсвидзисьыс быдӧнныс вылын.

Иоан 17:4

Ме мыччалі Тэнчит югьялан вынтӧ му вылас, кери Тэнчит сетӧм уджсӧ.

2 Фессалоникаын оліссезлӧ 2:16

Ен Айным радейтӧ миянӧс. Аслас бурсетӧмӧн Сія миянӧс пыр кежӧ бурӧтіс да козьналіс бур вылӧ надеясӧ. Дӧсвидзись Кристос Исусным да Ен Айным

Филипын оліссезлӧ 2:11

Ен Айсӧ ошкӧм могись ась быд морт висьталӧ: «Кристос Исусыс ─ Дӧсвидзись!»

Лука 3:22

Вежа Лолыс лэдзчисис Сы вылӧ дуді кодь вывтырын. Енӧжсянь кыліс баитан шы: «Тэ Менам дона Зонӧ, олан гажӧ».

Матвей 21:9

Сы бӧрын да одзас мунісь отирыс горӧтлісӧ: Осанна! Ошкӧм Давид Зонлӧ! Бласлӧвитӧм Дӧсвидзись нимӧн Локтісьыс! Ошкам Медвылісь Енсӧ!

Ефесын оліссезлӧ 1:9

Ассис тӧдлытӧмсӧ Еныс миянлӧ осьтіс. Сійӧ бур лӧсьӧтӧмсӧ Сія кӧркӧсянь ни шуӧм пыртны оланӧ Кристос отсӧтӧн.

Ефесын оліссезлӧ 1:6

Аслас дона Зон пыр Сія козьналіс миянлӧ бурсетӧмсӧ. Дак ошкам Сійӧ ыджытся-ыджыт бурсетӧм понда!

Филипын оліссезлӧ 2:13

Ачыс Еныс эд уджалӧ тіян пытшкын, ӧзйӧтӧ тіянӧс Ас сьӧртӧттяс керны бурсӧ.

Ефесын оліссезлӧ 2:7

Локтан каддэзас Еныс лӧсьӧтчӧм Кристос отсӧтӧн мыччавны миянлӧ Ассис унася-уна бурсетӧмсӧ да радейтӧмсӧ.

Ефесын оліссезлӧ 2:4

Еныс миян дынӧ небыт сьӧлӧма. Сія миянӧс ёна радейтӧ.

Иоан 14:27

Ме тіянлӧ коля лӧньсӧ. Ассим лӧньӧс сета тіянлӧ. Менам лӧньӧ не сэтшӧм, кыдз му вылісь отирлӧн. Сідзкӧ, ась оз ло сьӧлӧманыт некытшӧм тӧждісьӧм. Эд полӧ!

Иоан 3:16

Еныс эд сідз радейтӧ му вылісь отирсӧ, нельки сетіс Ассис ӧтка Зонсӧ, медбы Сылӧ быд веритісь эз кув, а сылӧн вӧлі пырся олан.

Лука 2:13

Видзчисьтӧг ангелыскӧт мыччисисӧ енӧжись унася-уна воиннэз. Нія ошкисӧ Енсӧ:

Лука 2:15

Ангеллэс мунісӧ енӧжас. Сэк баля видзӧтіссес висьталісӧ ӧтамӧдныслӧ: «Мунам Вифлеемас, видзӧтам сэтчин лоӧмсӧ, Дӧсвидзисьсянь миянлӧ юӧртӧмсӧ».