Лука 19:5 - Бур Юӧр 2019

⁵ Исусыс сибӧтчис пуыс дынӧ. Сія видзӧтіс вывлань да шуис: «Заккей, чожажык лэдзчы! Меным талун колӧ сувтчыны тэ ордын».

Лука 19:5 Mawu Ofanana

Осьтӧм 3:20

То, Ме сулала ыбӧс одзас да ёркӧтча. Кылас кӧ кин Менчим шыӧс да осьтас ыбӧссӧ, Ме пыра сы ордӧ. Мийӧ ӧтлаын пондам рытйыны.

Иоан 14:23

Исусыс сылӧ висьталіс: «Кин Менӧ радейтӧ кӧ, сія олӧ Менам кыввез сьӧрті. И Менам Айӧ пондас радейтны сійӧ. Мийӧ локтамӧ сы дынӧ да пондам овны сы ордын.

Еврейезлӧ 13:2

Эд вунӧтлӧ рочавны мунісь-локтіссесӧ. Мукӧдыс тӧдтӧг сідз рочавлӧмась гортаныс ангеллэзӧс.

Иоан 1:48

Нафанаилыс юаліс Сылісь: «Кытісь Тэ менӧ тӧдан?» Исусыс сылӧ висьталіс: «Ме тэнӧ адззылі инжир пу увтісь. Сэтӧн тэ вӧлін Филипыс кортӧдз».

Ефесын оліссезлӧ 3:17

Веритӧмныт пыр Кристосыс ась олӧ сьӧлӧммезаныт.

Лука 19:10

Морт Зон эд локтіс адззыны да мездыны ӧшӧммесӧ».

2 Коринфын оліссезлӧ 6:1

Мийӧ Еныскӧт ӧтвыв уджаліссез. Сійӧн кеймисям тіян одзын: Енлісь бурсетӧмсӧ босьтӧ сьӧлӧманыт, медбы сія эз вӧв тіянлӧ весись сетӧм.

Лука 19:2

Сэтчин бура оліс вот ӧктіссезлӧн Заккей нима веськӧтлісь.

Лука 19:4

Заккейыс котӧртіс одзлань. Исуссӧ казялӧм могись сія кайис сикомор пу вылӧ, кӧда дынӧт Исусыслӧ коліс мунны.

Лука 19:6

Заккейыс гажмис, перыта лэдзчис, Исуссӧ вайӧтіс гортас.