Лука 17:1 - Бур Юӧр 2019

¹ Исусыс Аслас велӧтчиссезлӧ висьталіс: «Ылӧтлӧмыстӧг оланын оз овлы. Но ӧддьӧн умӧль лоас сылӧ, кин пырйӧт ылӧтлӧмыс локтӧ!

Лука 17:1 Mawu Ofanana

Матвей 16:23

Петралань бергӧтчӧмӧн Исусыс шуис: «Вешшы Ме дынісь, сотана! Тэ Менӧ ылӧтан! Тэнат юрат пыртӧмыт мортлӧн, абу Енлӧн».

Матвей 18:7

«Ӧддьӧн умӧль му вылын оліссезлӧ быдӧссянь, мый ылӧтӧ умӧляс! Ылӧтлӧммеслӧ колӧ локны, но ӧддьӧн умӧль сія мортлӧ, кин пырйӧт локтӧ ылӧтлӧмыс!

Лука 16:31

Авраамыс сылӧ шуис: "Озӧ кӧ нія кывзӧ Моисейсӧ да Енсянь юӧртіссесӧ, сэк нія и кулӧммес коласісь ловзьӧмыслӧ озӧ веритӧ"».

Римын оліссезлӧ 14:13

Сэсся огӧ ни пондӧ ӧтамӧднымӧс осудитны. Буржык видзӧтны ас сьӧраныт, кыдз бы воннытӧ эдӧ вайӧтӧ падмӧмӧдз да ылалӧмӧдз.

Римын оліссезлӧ 16:17

Кеймися тіян одзын. Воннэзӧ, видзӧтлӧ вичкусӧ янсӧтліссез, ылӧтліссез сьӧрын. Нія эд отирсӧ кежӧтӧны веритӧмсис. Ны дынсянь видзсьӧ ылынжыка.

1 Коринфын оліссезлӧ 10:32

Тіян керӧмсянь ась озӧ падмӧ иудейес, мӧдік отир да и Кристос отирыс.

1 Коринфын оліссезлӧ 11:19

Тіян коласын мӧдмоза вежӧртӧмыслӧ и колӧ лоны, медбы оссисӧ надейнӧй морттэз.

1 Коринфын оліссезлӧ 8:13

Сійӧн, менам сёянӧ вайӧтӧ кӧ вонӧс ылалӧмӧдз, ог понды сёйны яйсӧ, медбы вонӧ эз ылав.

1 Тимофейлӧ 4:1

Лолыс веськыта висьталӧ: медбӧрья кадас мукӧдыс кежасӧ веритӧмсис. Пондасӧ кывзыны ылӧтлісь ловвесӧ да сэрпӧсь ловвеслісь велӧтӧмсӧ.

Осьтӧм 2:14

Менам эд эм мый висьтавны тэ йылісь и умӧльсӧ. Тіян коласісь мукӧдыс олӧны Валаамыс велӧтӧм сьӧрті. Сія эд вӧлі велӧтӧм Валаксӧ, кыдз Израиль отирсӧ ылӧтны умӧляс. Сія ызйӧтӧм нійӧ сёйны ас керӧм еннэзлӧ вайӧм сёянсӧ да кыскасьны.

Осьтӧм 2:20

Но Менам эм мый висьтавны тэ йылісь и умӧльсӧ. Тэ шы он сет асьсӧ Енсянь юӧртісьӧ пуктісь Иезавель нима инькаыслӧ. Аслас велӧтӧмӧн сія бӧбӧтлӧ Менчим раббезӧс. Сія велӧтӧ кыскасьны да сёйны ас керӧм еннэзлӧ вайӧм сёянсӧ.