Лука 16:8 - Бур Юӧр 2019

⁸ Кӧзяиныс ошкас умӧль веськӧтлісьсӧ адззисьӧмыс понда. Ӧння кадлӧн отирыс югытлӧн челядься чожажыка адззисьӧны, мый керны ас коддескӧт.

Лука 16:8 Mawu Ofanana

1 Фессалоникаын оліссезлӧ 5:5

Тійӧ быдӧнныт югытлӧн да лунлӧн челядь. Мийӧ абу пемытлӧн да ойлӧн челядь.

Ефесын оліссезлӧ 5:8

Тійӧ одзжык вӧліт пемытӧн, а ӧні Дӧсвидзиськӧт ӧтлаасьӧмсянь тійӧ лоитӧ югытӧн. Ӧні олӧ сідз, кыдз колӧ овны югытлӧн челядьлӧ.

Лука 16:10

«Кин етшанас надейнӧй, сія надейнӧй и унанас. Кин абу надейнӧй етшанас, сія и унанас абу надейнӧй.

Иоан 12:36

Кытчӧдз югытыс тіянкӧт, веритӧ югытыслӧ. Сэки лоатӧ югытыслӧн челядьӧн». Сідз висьталӧм бӧрын Исусыс вешшыштіс ны дынісь да сайӧвтчис.

1 Иоан 3:10

Мортыс оз кӧ кер веськыта да оз радейт вонсӧ, сія абу Енсянь. Сы сьӧрті позьӧ тӧдны кульыслісь да Еныслісь челядьсӧ.

Лука 16:4

Тӧда, мый колӧ керны, медбы менӧ лэдзисӧ мӧдік керкуэзӧ, ог кӧ понды уджавны керкуас веськӧтлісьӧн".

Лука 20:34

Исусыс нылӧ висьталіс: «Ӧння кадлӧн отирыс гӧтрасьӧны, петӧны жӧник сайӧ.

1 Петра 2:9

А тійӧ Енлӧн бӧрйӧм увтыр, Ӧксулӧн вежауджаліссез. Еныс босьтіс тіянӧс Аслас вежа отирӧн. Сія тіянӧс пемытсис корис адззывлытӧм югытас. Тійӧ ӧні сувтӧтӧмӧсь висьтасьны Сылісь бурся-бур керӧмсӧ.

Филипын оліссезлӧ 3:19

Нія мунӧны кулӧмас, нылӧн енныс ─ гыркныс, нія ошшасьӧны рожа кулян керӧмнаныс. Юраныс видзӧны дзир му вылісьсӧ.

1 Коринфын оліссезлӧ 3:18

Асьнытӧ некин эд бӧбӧтӧ. Кин юрас пыртіс кӧ, эта му вылісь отир сьӧрті ме пӧ мывкыда, сэтшӧмыс коль ассит мывкыдтӧ. Сэк босьтан бур мывкыдсӧ.

Лука 18:6

Исусыс висьталіс: «Кыліт умӧль судитісьыслісь кыввесӧ?

Матвей 17:26

Сія шуис: «Мӧдік йӧзлісь». Сэк Исусыс шуис: «Сідзкӧ, зоннэз вотсӧ озӧ вештӧ.

Матвей 12:32

Умӧльтан кӧ Мортлісь Зонсӧ, проститасӧ. Вежа Лолӧс умӧльтісьсӧ ӧння кадӧ озӧ проститӧ да и локтанас озӧ».

Лука 16:7

Мӧдіклісь юалас: "Тэ мымда одзӧстін?" Сія висьталас: "Сё лыддян доз шогді". Сылӧ висьталас: "Босьт ассит гижӧттӧ, гиж ─ кыкьямысдас".

Лука 20:35

Мукӧдыслӧ Еныс сетас адззывны мӧдік кад ─ кулӧммезісь ловзьӧм. Сэтчин озӧ гӧтрасьӧ, жӧник сайӧ озӧ петӧ.