Лука 12:5 - Бур Юӧр 2019

⁵ Висьтала тіянлӧ, кинісь колӧ повны: полӧ Сыись, Кӧда вийӧм бӧрас вермас куслытӧм биӧ чапкыны. Тіянлӧ шуа: Сыись полӧ.

Лука 12:5 Mawu Ofanana

2 Петра 2:4

Умӧльсӧ керись ангеллэсӧ Еныс тай абу жалейтӧм. Домалӧм нійӧ пемыт адас домӧттэзӧн. Сэтчин тшӧктӧм видзны Суд Лунӧдз, медбы мыжйыны.

Матвей 10:28

Эд полӧ вывтыр вийиссезісь, ловнытӧ эд нія вийны озӧ вермӧ. Полӧ Сыись, Кин вермӧ лов и вывтыр куслытӧм биын сотны.

Осьтӧм 14:7

Сія горӧн висьтавліс: «Полӧ Енсис да ошкӧ Сійӧ, локтіс Сылӧн Суд Луныс! Енӧжсӧ, мусӧ, саридзсӧ да ва петаніннэсӧ Аркмӧтісьыслӧ копыртчӧ!»

Еврейезлӧ 10:31

Ӧддьӧн полӧм петӧ сюрны ловья Енлӧн киэзӧ!

Осьтӧм 20:14

Кулӧмсӧ да адсӧ шентісӧ биа тыӧ. Сія ─ мӧдпырись кулӧмыс.

1 Фессалоникаын оліссезлӧ 4:6

Веритісь веритісьлӧ умӧльсӧ эд керӧ, эд бӧбӧтчӧ. Умӧльсӧ керӧм понда Вештісисьыс ─ Дӧсвидзись. Эта йылісь мийӧ одзжык ни баитлім да тіянӧс ӧлім.

Матвей 25:41

Сэсся шульгаланьын сулаліссеслӧ Сія шуас: "Мунӧ Ме дынісь, ёрдӧммез. Мунӧ куслытӧм биӧ, кульлӧ да сы ангеллэзлӧ ӧзтӧм биӧ.

Осьтӧм 15:4

Дӧсвидзисьным, Кин оз пов Тэись да оз сьылӧт Тэнчит нимтӧ? Тэ эд Ӧтнат вежаыс. Быд отирись йӧзыс локтас да копыртчас Тэныт. Ӧні эд быдӧнныс адззӧны Тэнчит веськыта судитӧмметӧ.

Матвей 5:22

А Ме висьтала тіянлӧ: кин воныс вылӧ абусис лӧгсӧ видзӧ, сылӧ ковсяс суд вылын кыв видзны. Аслас вонлӧ мортыс шуас кӧ: "бӧбӧв тэ", сідз шуисьыс сюрас вылынжык суд вылӧ. Кин вонсӧ шуас: "вежӧрттӧм тэ", сія куслытӧм биӧ шедас.

Матвей 25:46

Нія мунасӧ пырся сьӧкыта мучитчӧмӧ, а Ен сьӧрті веськыта оліссес ─ пырся оланӧ».

Марк 13:23

Видзӧтӧ, Ме тіянлӧ одзланься лоӧмсӧ висьталі».