Лука 12:1 - Бур Юӧр 2019

¹ Сы коста отирыс ӧксисӧ сюрс-мӧд ӧтамӧд бердӧ дзескӧтчӧмӧдз. Исусыс пондіс баитны велӧтчиссеслӧ: «Фарисейезлӧн нянь шӧмись ылына видзсьӧ, сія ылӧтлӧмӧн олӧм.

Лука 12:1 Mawu Ofanana

1 Петра 2:1

Сідзкӧ, кольӧ быдпӧлӧс лӧгалӧмнытӧ, бӧбӧтчӧмнытӧ, ылӧтлӧмнытӧ. Дугдӧ завидуйтны, весись морт вылӧ баитны.

Яков 3:17

Вылісянь сетӧм мывкыдыс сӧстӧм, лӧнь, рам, кывзісьӧ, небыт сьӧлӧмсянь бурсӧ керӧ, оз лыддьы ӧтіккезӧс мӧддэзся буржыккезӧн, оз ылӧтлы.

Лука 12:56

Ылӧтліссез! Му да енӧж вылӧ видзӧттӧн тӧдатӧ, мый видзчисьны. Мыля нӧ одӧ вермӧ тӧдны ӧння кадсӧ?»

1 Коринфын оліссезлӧ 15:3

Ме висьтаси тіянлӧ медколанасӧ, мый ачым босьті сьӧлӧмам. Сія юӧрыс сэтшӧм: Кристосыс куліс миян умӧль керӧммез понда, кыдз и вӧлі гижӧм Вежа Гижӧтас.

Ап. керӧммез 21:20

Нія кывзісӧ сійӧ да ошкисӧ Енсӧ. Павелыслӧ висьталісӧ: «Вонным, тэ тӧдан, иудейез коласісь унася-уна отир пондісӧ веритны. Но нія эд быдӧнныс Моисейлӧн Туйдӧт дор ёна сулалӧны.

Лука 11:44

Ӧддьӧн умӧль лоас тіянлӧ, фарисейез да Туйдӧтӧ велӧтіссез! Ылӧтлісь отир! Тійӧ пуксьӧм шойнаэз кодьӧсь, кӧдна вылӧт отирыс тӧдтӧг ветлӧтӧны».

Лука 6:17

Исусыс ныкӧт керӧссис лэдзчис да сувтіс волькытінын. Сэтӧн ӧксьӧмась Сылӧн уна велӧтчись да ӧддьӧн уна отир. Нія локтӧмась Иудеяись быдласянь, Ерусалимись, Тир да Сидон саридз дор муэзісь.

Лука 5:15

Перыта паськаліс Исусыс йылісь юӧрыс. Сійӧ кывзыны да веськӧтчыны асланыс шогӧттэзісь Сы дынӧ ӧксьывлісӧ ӧддьӧн уна отир.

Лука 5:1

Ӧтпыр Исусыс сулаліс Генисарет ты дорын. Отирыс дзескӧтчисӧ Сы гӧгӧрын. Нія локтісӧ кывзыны Енлісь кывсӧ.

Еврейезлӧ 12:22

Тійӧ сибӧтчит Сион керӧс дынӧ, ловья Енлӧн кар дынӧ, енӧжись Ерусалим дынӧ, унася-уна ангеллэз дынӧ.