Лука 11:2 - Бур Юӧр 2019

² Исусыс висьталіс нылӧ: «Кеймиканыт висьталӧ: ─ Миян Ай, енӧжын Олісь! Тэнчит вежа нимтӧ ась быд морт видзӧ сьӧлӧмас. Ась локтас Тэнат Юралӧмыт. Быдӧс ась керсьӧ Тэ сьӧрті му вылас, кыдз и енӧжас.

Лука 11:2 Mawu Ofanana

Матвей 10:32

Кин отир одзын оз повзьы Менӧ тӧдӧм йылісь висьтасьны, сійӧ Ме пукта Аслам мортӧ енӧжись Айӧ одзын.

Матвей 3:2

Сія юӧртіс: «Бергӧтчӧ умӧль керӧммезныт дынісь! Енӧжись Юралӧмыс эд матын ни».

Матвей 5:16

Сідз и тіян югытныт ась югдӧтӧ. Отирыс ась адззӧны тіянлісь бурсӧ керӧмнытӧ да ошкӧны енӧжись Айнытӧ».

Лука 11:1

Кыдзкӧ Исусыс ӧтіклаын кеймис. Кеймыны дугдӧм бӧрсянь ӧтік велӧтчись шуис: «Велӧтісь! Велӧт миянӧс кеймыны, кыдз Иоаныс велӧтіс ассис велӧтчиссесӧ».

Римын оліссезлӧ 1:7

Гижа Римын оліссезлӧ, Енлӧн дона отирлӧ. Тійӧ ─ Сылӧн бӧрйӧм вежа отир. Бурсетӧм да лӧнь олан тіянлӧ Ен Айнымсянь да Дӧсвидзись Кристос Исуссянь!

Римын оліссезлӧ 8:15

Тіянлӧ сетӧм Ловсянь оз ков полӧмӧн овны-мырсьыны. Сія тіянӧс оз видз домӧттэзын. Тійӧ босьтіт сэтшӧм Лов, кӧда тіянӧс пуктӧ Енлӧн челядьӧ. Сія туйдӧтӧ миянӧс корны Енсӧ: «Авва, Айӧ!»

1 Коринфын оліссезлӧ 1:3

Бурсетӧм да лӧнь олан тіянлӧ Ен Айнымсянь да Дӧсвидзись Кристос Исуссянь!

2 Коринфын оліссезлӧ 1:2

Ен Айнымсянь да миян Дӧсвидзись Кристос Исуссянь бурсетӧм да лӧнь олан тіянлӧ.

Галатияын оліссезлӧ 1:4

Сія сетіс Асьсӧ миян умӧль керӧммез понда, медбы мездыны миянӧс ӧння кадісь, кӧда тырӧма лёкнас. Исусыс сійӧ керис Ен Айным лӧсьӧтӧм сьӧрті.

Ефесын оліссезлӧ 1:2

Бурсетӧм да лӧнь олан тіянлӧ Ен Айнымсянь да Дӧсвидзись Кристос Исуссянь!

Филипын оліссезлӧ 1:2

Бурсетӧм да лӧнь олан тіянлӧ Ен Айнымсянь да Дӧсвидзись Кристос Исуссянь!

Филипын оліссезлӧ 4:20

Миян Ен Айнымлӧ ошкӧмыс пырся-пыр! Аминь.

Колосын оліссезлӧ 1:2

гижам Колосын олісь вежа отирлӧ, Кристос Исуслӧ веритісь воннэзлӧ.

1 Фессалоникаын оліссезлӧ 1:1

Мийӧ ─ Павел, Силуан да Тимофей ─ гижамӧ Фессалоникаӧ Ен Айлӧн да Дӧсвидзись Кристос Исуслӧн вичкулӧ. Бурсетӧм да лӧнь олан тіянлӧ Ен Айнымсянь да Дӧсвидзись Кристос Исуссянь!

1 Фессалоникаын оліссезлӧ 1:3

Ен Айным одзын мийӧ пыр касьтывлам тіянлісь веритӧмсянь керӧмнытӧ, радейтӧмсянь уджалӧмнытӧ да мыла быртӧг миян Дӧсвидзись Кристос Исус вылӧ надейтчӧмнытӧ.

2 Фессалоникаын оліссезлӧ 2:16

Ен Айным радейтӧ миянӧс. Аслас бурсетӧмӧн Сія миянӧс пыр кежӧ бурӧтіс да козьналіс бур вылӧ надеясӧ. Дӧсвидзись Кристос Исусным да Ен Айным

Осьтӧм 11:15

Сизимӧт ангел пондіс пӧльтны аслас буксанӧ. Сэк енӧжас кылісӧ гора шыэз. Нія баитісӧ: ─ Быдӧс вылын Юралісьнас сувтіс миян Дӧсвидзисьным да Сылӧн Мавтӧмыс. Сія пондас юравны пырся-пыр.

Осьтӧм 15:4

Дӧсвидзисьным, Кин оз пов Тэись да оз сьылӧт Тэнчит нимтӧ? Тэ эд Ӧтнат вежаыс. Быд отирись йӧзыс локтас да копыртчас Тэныт. Ӧні эд быдӧнныс адззӧны Тэнчит веськыта судитӧмметӧ.

Осьтӧм 19:6

Сэк ме кылі жыв уна отирлісь шы. Сія вачкисис уна ва усянлӧн шы вылӧ, горӧн гымалан шы вылӧ. Нія шувлісӧ: ─ Аллилуйя! Дӧсвидзись Еныс, Дӧсвермисьыс, ӧні пондіс юравны Ӧксуӧн!

Осьтӧм 20:4

Сэсся ме казялі юралан пукӧссэз. Ны вылын пукалісӧ отир, кӧдналӧ вӧлі сетӧм судитан вын. Сэтӧн вӧлісӧ отирлӧн ловвез, кӧдналісь юррезнысӧ орӧтісӧ Исусыс йылісь висьтасьӧм понда да Ен Кыв понда. Нія эзӧ копрасьӧ вӧрпаыслӧ да сы кодь керӧмыслӧ, эзӧ пуктӧ сылісь пассӧ кымӧс выланыс да ки выланыс. Нія ловзисӧ да юралісӧ ӧтлаын Кристосыскӧт сюрс во сьӧрна.