Лука 11:13 - Бур Юӧр 2019

¹³ Тійӧ морттэс лӧгӧсь, а челядьнытлӧ кужат керны бур козиннэз. А Енӧжись Айныт эд сетас ни Вежа Ловсӧ Сылісь кориссезлӧ».

Лука 11:13 Mawu Ofanana

Матвей 7:11

Тійӧ эд лӧгӧсь, а асланыт челядьлӧ вермат сетны мыйкӧ бурӧ. А енӧжись Айныт Сылісь кориссеслӧ бурсӧ унажык сетас.

Иоан 4:10

Исусыс сылӧ висьталіс: «Тэ он тӧд Еныслісь козинсӧ. Тэ он тӧд, Кин тэныт висьталіс этнӧ кыввесӧ: "Юктав Менӧ ванат!" Кӧбы тӧдін, сэк ачыт бы корин Сылісь, и Сія сетіс бы тэныт ловья ва».

Римын оліссезлӧ 8:32

Сылӧ нельки Ассис Зонсӧ ковсис сетны быдӧннымӧс мездӧм понда. Сэк Сыкӧт оз разь козьнав быдӧссӧ?

Ап. керӧммез 2:38

Петраыс висьталіс нылӧ: «Бергӧтчӧ умӧль керӧммезныт дынісь да Кристос Исус нимӧн пыртчӧ, медбы Еныс проститіс умӧль керӧммезнытӧ. Сэк Сія козьналас тіянлӧ Вежа Ловсӧ.

Матвей 6:14

Йӧзыслісь умӧль керӧммесӧ проститат кӧ, сэк енӧжись Айныт проститас и тіянӧс.

Матвей 6:32

Ентӧг оліссес эд сы понда пыр и тӧждісьӧны. Енӧжись Айныт эд тӧдӧ, мый тіянлӧ колӧ.

Лука 11:2

Исусыс висьталіс нылӧ: «Кеймиканыт висьталӧ: ─ Миян Ай, енӧжын Олісь! Тэнчит вежа нимтӧ ась быд морт видзӧ сьӧлӧмас. Ась локтас Тэнат Юралӧмыт. Быдӧс ась керсьӧ Тэ сьӧрті му вылас, кыдз и енӧжас.

Матвей 6:30

Еныс сідз пасьтӧтӧ турунсӧ, кӧда талун быдмӧ, а ашын горын сотасӧ. Умӧля веритіссез, Сія тіянӧс оз разь пасьтӧт?

Матвей 5:45

Сэк лоат енӧжись Айнытлӧ челядьӧн. Сія тай тшӧктӧ Аслас шонділӧ ӧтмоза югытсӧ сетны и бур йӧзлӧ, и лёк йӧзлӧ. Сія ыстӧ зэрсӧ и Ен сьӧрті веськыта оліссезлӧ, и Ентӧг оліссезлӧ.

Матвей 5:16

Сідз и тіян югытныт ась югдӧтӧ. Отирыс ась адззӧны тіянлісь бурсӧ керӧмнытӧ да ошкӧны енӧжись Айнытӧ».

Римын оліссезлӧ 7:18

Ме эд тӧда: меын, ылалӧм вывтырам, абу бурыс. Бурсӧ ме кера бы, да ог вермы.

Римын оліссезлӧ 5:17

Дзир ӧтік мортлӧн лёк керӧмсянь пондӧм юравны кулӧмыс. Сэк мымдаӧн вынажык ӧтік Мортлӧн, Кристос Исуслӧн, бурсетӧмыс! Еныслісь этӧ дона бурсетӧм козинсӧ да Ен сьӧрті веськыта олӧмсӧ босьтіссес пондасӧ овны да юравны Енкӧт.

Титлӧ 3:3

Мийӧ и асьным эд одзжык вӧлімӧ вежӧртӧмӧсь, ӧшӧмӧсь, эгӧ кывзісьӧ. Ӧзйӧтчӧммес да быд моз гажӧтчӧммес миянӧс раббезӧс моз видзисӧ. Вӧлім умӧль мывкыдаӧсь, лӧгалім да завидуйтім. Миянлӧ некин син вылӧ эз ков.

Лука 11:12

Корӧм кольттез туйӧ сетас разь скорпионӧс?

Лука 18:7

Оз разь Еныс дорйы Ассис бӧрйӧммесӧ, ой и лун Сылісь отсӧт кориссесӧ? Сёрмӧтчас разь Сія нылӧ отсавны?