Лука 10:41 - Бур Юӧр 2019

⁴¹ Исусыс сылӧ висьталіс: «Марфа! Марфа! Тэ котрасян, тӧждісян уна понда.

Лука 10:41 Mawu Ofanana

Филипын оліссезлӧ 4:6

Нем понда эдӧ тӧждісьӧ. Сы туйӧ пыр кеймӧ, кеймисьӧ Еныслӧ, буркывтӧ Сійӧ. Быдӧс, мый тіянлӧ колӧ, висьталӧ Сылӧ.

Лука 21:34

Видзӧтӧ ас сьӧраныт, медбы тіян сьӧлӧммезныт эзӧ вӧлӧ тырӧмӧсь быд лунся тӧждісьӧмӧн, уна сёйӧмӧн да кодалӧмӧн. Сія луныс ась оз лок тіян вылӧ видзчисьтӧг.

Марк 4:19

но нылӧн быд лунся тӧждісьӧмныс да унажык сьӧм шедтӧмныс пӧдтӧны Кывсӧ. Сійӧн сэтӧн абу бур воӧмыс.

Лука 12:22

Аслас велӧтчиссезлӧ Исусыс висьталіс: «Сійӧн шуа тіянлӧ: эдӧ тӧждісьӧ, мый сёйны, мый пасьтавны.

Лука 8:14

Йӧн коласӧ усьӧммес ─ Кывсӧ кыліссес. Нія тӧждісьӧмнаныс, уна сьӧмнаныс да долыта му вылын олӧмнаныс пӧдтӧны Кывсӧ. Сэтӧн бур воӧмыс абу.

Лука 10:38

Мунтӧнняс Исусыс локтіс ӧтік посадӧ. Сэтӧн Сійӧ Марфа нима инька рочаліс гортас.

Лука 10:40

Марфаыс лӧсьӧтіс уна сёян-юан. Сія сибӧтчис да висьталіс: «Дӧсвидзись! Он разь адззы, сойӧ менӧ ӧтнамӧс колис лӧсьӧтны сёян-юансӧ. Висьтав Марияыслӧ, медбы меным отсаліс».

Иоан 11:1

Вифания посадісь Лазар нима морт шогаліс. Сыкӧт ӧтлаын олісӧ Мария да Марфа сойес.

Иоан 11:5

Исусыс радейтіс Лазарсӧ да сылісь Марфа да Мария сойесӧ.

Иоан 12:2

Ны ордын Исусыслӧ лӧсьӧтісӧ рытся сёян. Марфаыс ваяліс сёянсӧ, а Лазарыс, Исусыс да мӧдіккес ӧтлаын сёйисӧ.