Лука 10:22 - Бур Юӧр 2019

²² Велӧтчиссеслӧ Сія висьталіс: «Айӧ быдӧс сетіс Меным. Дзир Айыс тӧдӧ, кин Зоныс. Дзир Зоныс тӧдӧ, кин Айыс. Тӧдӧ и сія, кинлӧ Зоныс осьтас».

Лука 10:22 Mawu Ofanana

Матвей 11:27

Менам Айӧ быдӧс сетіс Меным. Некин оз тӧд Зонсӧ, тӧдӧ дзир Айыс. Айсӧ некин оз тӧд, дзир Зоныс тӧдӧ. Тӧдӧ и сія, кинлӧ Зоныс осьтас.

Иоан 1:18

Енсӧ отирыс некӧр эзӧ адззывлӧ. Сійӧ миянлӧ мыччаліс Айыскӧт ӧтлаын олісь ӧтка Зоныс.

Иоан 10:15

Айӧ тӧдӧ Менӧ, сідз и Ме тӧда Айӧс. Ассим оланӧс пукта баляэзӧ понда.

2 Иоан 1:9

Быдыс, кин оз ов Кристослӧн велӧтӧм сьӧрті, оз видзсьы сы бердӧ, сія Ентӧг олісь. Кристослӧн велӧтӧм сьӧрті олісьлӧн эм и енӧжись Айыс и Сылӧн Зоныс.

2 Коринфын оліссезлӧ 4:6

Еныс эд тшӧктӧм югйӧвтны пемытінас югытыслӧ. Сія югдӧтіс миянлісь сьӧлӧммезнымӧс, медбы мийӧ Кристос Исус чужӧмын адззим Енлісь югьялӧмсӧ.

1 Иоан 5:20

Мийӧ тӧдам: Еныслӧн Зоныс локтіс, югдӧтіс миянӧс да сетіс мывкыдсӧ, медбы пондім тӧдны былись Енсӧ да ӧтлаасим Сылӧн былись Зонкӧт, Кристос Исускӧт. Сія и эм эд былись Еныс да пырся оланыс.

Иоан 17:26

Ме велӧті нійӧ тӧдны Тэнӧ и эшӧ велӧта, медбы сэтшӧм радейтӧмыс, кыдз Тэ Менӧ радейтан, вӧлі ны пытшкын, и медбы Ме ны пытшкын олі».

Иоан 17:2

Тэ быдӧннысӧ сетін Сы кипод увтӧ. А Сія сетас пырся олан быдӧнныслӧ, кинӧс Тэ Сылӧ сетін.

Матвей 28:18

Исусыс сибӧтчис велӧтчиссес дынӧ да шуис: «Му вылын да енӧжын быдӧс вылын Ме сувтӧтӧм юравны.

Иоан 13:3

Исусыс тӧдіс: Айыс быдӧс сетіс Сы киэзӧ. Сія локтіс Еныс дынісь, Еныс дынӧ и бертӧ.

Иоан 3:35

Айыс радейтӧ Зонсӧ, и быдӧс сетіс Сы киӧ.

Еврейезлӧ 2:8

Быдӧс пуктін сы кок увтӧ! Быдӧс кӧ сетіс морт кипод увтӧ, сеттӧмыс сэк нем эз коль. Ӧні мийӧ огӧ на адззӧ, медбы быдӧс вӧлі сетӧм.

Ефесын оліссезлӧ 1:21

Лэбтіс Сійӧ вылынжыка быд юралісься, веськӧтлісься, быд вынся, быд вылына пукалісься, быд нимся, кӧда эм ӧння кадӧ да и локтан кадӧ.

1 Коринфын оліссезлӧ 15:24

Кристосыс кӧр паздас быдпӧлӧс веськӧтліссесӧ, юраліссесӧ да выннэсӧ, сэк Ассис юралӧмсӧ сетас Ен Айыс киӧ. Сы бӧрсянь лоас векпоныс.

Иоан 17:10

Быдӧс, мый Менам эм, сія Тэнат. Быдӧс, мый Тэнат, сія Менам. Нія ваясӧ Меным ошкӧмсӧ.

Иоан 17:5

Айӧ, ӧні босьт Менӧ дынат, сет Меным Ассит югьялӧмтӧ. Сія югьялӧмыс Менам вӧлі Тэ дынын эшӧ быдӧс аркмӧтӧмӧдз.

Матвей 11:25

Сэк Исусыс висьталіс: «Ошка Тэнӧ, Айӧ, енӧжын да му вылын Дӧсвидзись! Тэ сійӧ сайӧвтін мывкыдаэз да уна тӧдіссез шогья, осьтін кага коддезлӧ.