Лука 1:17 - Бур Юӧр 2019

¹⁷ Иллялӧн кодь лолӧн да вынӧн мунас Дӧсвидзись одзын. Мунас айезлісь сьӧлӧммезнысӧ бергӧтны челядьланьӧ, кывзісьтӧммеслӧ сетны мывкыдсӧ Ен сьӧрті веськыта оліссезлісь, медбы Дӧсвидзись одзӧ сувтӧтны туйдӧтӧм-лӧсьӧтӧм отирӧс».

Лука 1:17 Mawu Ofanana

Матвей 11:14

Вермат кӧ веритны, сія Илляыс, кӧдалӧ коліс локны.

Матвей 14:4

Иоаныс эд ӧлӧм Иродсӧ: «Тэныт сыкӧт овны оз позь».

Матвей 3:3

Иоаныс и вӧлі сія мортыс, кӧда йылісь висьтавлӧм Енсянь юӧртісь Исай: ─ Кушмуын гора шы кылӧ: «Дӧсвидзисьлӧ туйсӧ лӧсьӧтӧ, Сылісь мунаніннэсӧ веськӧтӧ».

Матвей 3:4

Иоаныс паськӧмсӧ новйис верблюд гӧнісь, йыасьліс кучик йыӧн, сёйліс саранчаэз да вӧр ма.

Лука 1:16

Израиль зоннэз коласісь унаӧс бергӧтас Дӧсвидзись Енланьӧ.

Лука 1:76

Тэнӧ, кага, пондасӧ шуны Медвылісьлӧн юӧртісьӧн. Дӧсвидзисьыс одзын тэ мунан лӧсьӧтны Сылӧ туйесӧ.

Иоан 1:13

Нія эзӧ шогмӧ вирсянь, вывтырлӧ да мортлӧ колӧмсянь, но шогмисӧ Еныссянь.

Иоан 1:34

И ме адззылі да висьтала: Сія ─ Енлӧн Зон».

Иоан 3:28

Тійӧ эд асьныт кыліт месянь: ме абу Кристос-Мездӧтісь, ме ыстӧм Сы одзын мунны.

Ап. керӧммез 10:33

Ме чожажык ысті тэ дынӧ. Тэ бурӧ керин, локтін ме ордӧ. Ӧні мийӧ быдӧнным сулалам Ен одзын. Мийӧ ӧксим кывны тэсянь Енлісь тшӧктӧмсӧ».

Римын оліссезлӧ 9:23

Но Ассис вынася-вына югьялӧмсӧ Сія лӧсьӧтчӧм мыччавны нія доззэз вылын, кӧдна дынӧ Сія небыт сьӧлӧма. Нійӧ доззэсӧ Еныс одзжык ни лӧсьӧтчӧм тыртны Аслас югьялӧмӧн.

Колосын оліссезлӧ 1:12

Буркывтӧ Ен Айнымӧс! Сія миянӧс корис югытінас. Ӧтлаын вежа отиркӧт Сія и миянлӧ сетас лӧсьӧтӧм пайсӧ.

2 Тимофейлӧ 2:21

Кӧда асьсӧ сӧстӧмтас быдӧс умӧльсис, сія лоас дона вежа дозӧн. Кӧзяинлӧ сія лоас колана доз, быдпӧлӧс бур уджӧ туяна.

1 Петра 2:9

А тійӧ Енлӧн бӧрйӧм увтыр, Ӧксулӧн вежауджаліссез. Еныс босьтіс тіянӧс Аслас вежа отирӧн. Сія тіянӧс пемытсис корис адззывлытӧм югытас. Тійӧ ӧні сувтӧтӧмӧсь висьтасьны Сылісь бурся-бур керӧмсӧ.

1 Иоан 2:28

Челядь, сідзкӧ олӧ Кристоскӧт ӧтлаасьӧмӧн, медбы Сы локтӧм коста мийӧ вермим повтӧг сувтны Сы одзӧ и Сы одзын эз ковсьы гӧрдӧтны.

Осьтӧм 20:4

Сэсся ме казялі юралан пукӧссэз. Ны вылын пукалісӧ отир, кӧдналӧ вӧлі сетӧм судитан вын. Сэтӧн вӧлісӧ отирлӧн ловвез, кӧдналісь юррезнысӧ орӧтісӧ Исусыс йылісь висьтасьӧм понда да Ен Кыв понда. Нія эзӧ копрасьӧ вӧрпаыслӧ да сы кодь керӧмыслӧ, эзӧ пуктӧ сылісь пассӧ кымӧс выланыс да ки выланыс. Нія ловзисӧ да юралісӧ ӧтлаын Кристосыскӧт сюрс во сьӧрна.