Иоан 9:3 - Бур Юӧр 2019

³ Исус висьталіс: «Сія эз шогмы синтӧмнас аслас да ай-мамыс умӧль керӧм кузя. Сія сэтшӧм шогмис, медбы сы вылын мыччавны Енлісь керӧмсӧ.

Иоан 9:3 Mawu Ofanana

Матвей 11:5

─ Синтӧммез адззӧны, чотіссез ветлӧтӧны, проказаӧн шогаліссез сӧстӧммӧны, пельтӧммез кылӧны, кулӧммез ловзьӧны, кориссезлӧ Бур Юӧр висьтасьӧны.

Иоан 11:4

Сійӧ кылӧм бӧрын Исус шуис: «Сія шогӧтыс оз вайӧт кулӧмӧдз. Сія Енлӧ ваяс ошкӧмсӧ, медбы сы понда пондісӧ ошкыны и Енлісь Зонсӧ».

Иоан 11:40

Исусыс шуис сылӧ: «Эг разь Ме тэныт висьтав: пондан кӧ веритны, адззылан Енлісь югьялӧмсӧ?»

Ап. керӧммез 28:4

Йӧзыс казялісӧ ки вылӧ ӧшӧтчӧм кыйсӧ. Нія баитісӧ ӧтамӧдныслӧ: «Эта, тыдалӧ, морт вийись. Сія саридзсис мезмис, а вештісись еныс сійӧ оз мӧд кольны ловйӧн».

Ап. керӧммез 4:21

Юраліссес повзьӧтлӧмӧн нійӧ лэдзисӧ. Ныкӧт мыйкӧ керны полісӧ отирись. Быдӧнныс эд ошкисӧ Енсӧ лоӧмыс понда.

1 Иоан 4:16

Мийӧ пондім тӧдны да веритны: Еныс миянӧс радейтӧ. Еныс ─ радейтӧм. Радейтӧмын олісьыс олӧ Еныс пытшкын, а Еныс олӧ сы пытшкын.

1 Иоан 4:9

Еныс миянлӧ мыччаліс Ассис радейтӧмсӧ. Сія ыстіс му вылас Ассис ӧтка Зонсӧ, медбы Сы пыр сетны миянлӧ олан.