Иоан 9:16 - Бур Юӧр 2019

¹⁶ Сэк мукӧд фарисейес шуисӧ: «Абу Сія Мортыс Енсянь, Сія эд шоччисян лунӧ керӧ сійӧ, мый сэк оз туй керны». Мӧдіккес баитісӧ: «Вермас разь керны сэтшӧм адззывлытӧммесӧ умӧльсӧ керись морт?» Нія ӧтамӧдныскӧт пондісӧ етшасьны.

Иоан 9:16 Mawu Ofanana

Иоан 10:19

Этна кыввезсянь иудейес бӧра пондісӧ етшасьны.

Иоан 7:43

Сідз Исусыс йылісь отирыс коласын лэбтісис етшасьӧм.

Иоан 7:12

Уна мый баитісӧ отирыс Сы йылісь. Ӧтіккез баитісӧ: Сія пӧ небыт сьӧлӧма. Мӧдіккез шуисӧ: абу пӧ Сія сэтшӧм, отирсӧ пӧ ылӧтлӧ.

Иоан 3:2

Никодимыс ойнас локтіс Исусыс дынӧ. Сія шуис: «Велӧтісь, мийӧ тӧдам: миянӧс велӧтны Тэнӧ ыстіс Еныс. Сэтшӧм адззывлытӧм керӧммесӧ некин оз вермы керны, оз кӧ ло сыкӧт Ен».

Матвей 12:2

Сійӧ адззылісӧ фарисейез. Нія Исусыслӧ висьталісӧ: «Видзӧт! Тэнат велӧтчиссет керӧны сійӧ, мый оз туй керны шоччисян лунӧ!»

Иоан 15:24

Ме ны син одзын кери сійӧ, мый некин одзжык эз керлы. Керӧммезӧс нія эзӧ бы адззылӧ, сэк нія эзӧ бы вӧлӧ умӧль кериссез. А нія адззылісӧ, но Ме и Менам Айӧ нылӧ син вылӧ огӧ колӧ.

Иоан 14:11

Веритӧ Менам висьталӧмӧ: Ме Айӧ пытшкын, а Айӧ Ме пытшкын. Сідз одӧ кӧ веритӧ Меным, сэк веритӧ керӧмӧ понда.

Иоан 9:24

Мӧдпырся корисӧ веськалӧм мортсӧ да висьталісӧ: «Ен одзын висьтав быльсӧ! Мийӧ эд тӧдамӧ: тэнӧ Веськӧтісьыс ─ умӧльсӧ керись морт».

Иоан 6:52

Сэк иудейес ӧтамӧдныскӧт пондісӧ етшасьны: «Кыдз Сія вермас сетны Ассис Вывтырсӧ миянлӧ сёйны?»

Иоан 5:36

Ме йылісь висьталӧмыс Иоанлӧн висьталӧмся вынажык. Ме кера Айӧлісь сетӧм уджсӧ. Менам керӧмӧ мыччалӧ: Менӧ ыстіс Айӧ.

Ап. керӧммез 14:4

Отирыс карас янсӧтчисӧ: ӧтіккез вӧлісӧ иудейез дор, а мӧдіккез ─ апостоллэз дор.

Матвей 12:10

Сэтӧн вӧлӧм косьмӧм киа морт. Фарисейес Исуссӧ мыйынкӧ кутӧм могись Сылісь юалісӧ: «Позьӧ я мортсӧ веськӧтны шоччисян лунӧ?»

Лука 13:14

Сэк синагогасис веськӧтлісьыс лӧгасис, мыля Исусыс веськӧтіс инькасӧ шоччисян лунӧ. Отирыслӧ лӧгувьяс висьталіс: «Шоччисян лунся эмӧсь квать лун, кӧр верматӧ уджавны. Сія луннэзӧ и локтӧ веськӧтчыны».

Иоан 2:11

Сідз Галилея муись Кана карын Исусыс медодззаись керис адззывлытӧмсӧ. Сэтшӧма Сія мыччаліс Ассис югьялан вынсӧ, и велӧтчиссес пондісӧ Сылӧ веритны.

Иоан 5:10

Сійӧн иудейес баитісӧ веськалӧм мортлӧ: «Талун шоччисян лун. Тэныт оз позь ольпасьтӧ нуӧтны».

Иоан 7:23

Моисейлӧн Туйдӧт сьӧрті керӧм понда тійӧ мортсӧ вундыштыштат шоччисян лунӧ. Сэк мыля нӧ Ме вылӧ лӧгалатӧ, шоччисян лунӧ мортсӧ веськӧті кӧ?