Иоан 8:6 - Бур Юӧр 2019

⁶ Нія сідз баитісӧ Исуссӧ кутӧм могись, медбы сэсся вӧлі, мый висьтавны Сы вылӧ умӧльсӧ. Но Исусыс дзар эз кер ныланьӧ. Сія лажмыта мышкыртчӧмӧн гижис мыйкӧ му вылас чуньнас.

Иоан 8:6 Mawu Ofanana

Матвей 10:16

«Ме тіянӧс ыста баляэзӧс моз кӧиннэз коласӧ. Кыйез моз лоӧ мывкыдаӧсь, дудіэз моз рамӧсь.

Матвей 15:23

Инькаыслӧ Исусыс шы эз сет. Велӧтчиссес сибӧтчисӧ Исусыс дынӧ да пондісӧ корны: «Висьтав инькаыслӧ, медбы муніс, а то сія ветлӧтӧ миян сьӧрын да горӧтлӧ».

Матвей 16:1

Исус дынӧ локтісӧ фарисейез да садукейез. Сійӧ кутӧм могись нія корисӧ мыччавны енӧжись пас.

Матвей 19:3

Исусыс дынӧ локтісӧ фарисейез. Сійӧ кутӧм могись нія юалісӧ: «Быд могись я позьӧ янсӧтчыны инькӧт?»

Матвей 22:18

Нылісь ылӧтлӧмнысӧ тӧдӧмӧн Исусыс горӧтчис: «Ылӧтлісь отир! Мый тійӧ Менӧ ылӧтлат?

Матвей 22:35

Ны коласісь ӧтік Туйдӧтӧ велӧтісь мӧдіс Исуссӧ кутны баитӧмыс коста. Сія юаліс:

Матвей 26:63

Исусыс шы эз сет. Аркирей Сылӧ шуис: «Ловья Ен нимӧн тшӧкта, висьтав миянлӧ, Тэ ─ Кристос-Мездӧтісь, Енлӧн Зон?»

Марк 10:2

Сибӧтчисӧ фарисейез да Сійӧ кутӧм могись юалісӧ: «Позьӧ я ай мортлӧ янсӧтчыны инькӧт?»

Марк 12:15

Исусыс тӧдіс нылісь ылӧтлӧмнысӧ да шуис: «Мый тійӧ Менӧ ылӧтлат? Мыччалӧ меным динарий».

Марк 3:2

Фарисейес Исуссӧ мыйынкӧ мӧдісӧ кутны. Сійӧн видзӧтісӧ Сы сьӧрын, оз я веськӧт косьмӧм киа мортсӧ шоччисян лунӧ. Сэк лоас мый понда Сійӧ судитны.

Марк 8:11

Локтісӧ фарисейез да пондісӧ Исусыскӧт етшасьны. Сійӧ кутӧм могись нія корисӧ, медбы Сія керис енӧжсянь мыччалан пас.

Лука 10:25

Ӧтік Туйдӧтӧ велӧтісь чеччис да Исуссӧ кутӧм могись юаліс: «Велӧтісь! Мый меным керны пырся оланӧ пырӧм понда?»

Лука 11:16

Исуссӧ кутӧм могись мукӧдыс корисӧ Сійӧ мыччавны енӧжись пас.

Иоан 8:2

Асывнас Сія бӧра локтіс Вежа Керкуас. Отирыс быдӧнныс локтісӧ Сы дынӧ. Исусыс пуксис да пондіс нійӧ велӧтны.

1 Коринфын оліссезлӧ 10:9

Огӧ пондӧ лӧгӧтлыны Кристоссӧ ны моз. Ны коласісь тай мукӧдыс лӧгӧтлӧмась да кулӧмась кыйез чушкӧмсянь.