Иоан 8:55 - Бур Юӧр 2019

⁵⁵ Тійӧ Сійӧ одӧ тӧдӧ, Ме Сійӧ тӧда. Висьтала кӧ, ог Ме Сійӧ тӧд, сэк лоа тіян кодь бӧбӧтчись. Ме тӧда Сійӧ и кера Сы кыв сьӧрті.

Иоан 8:55 Mawu Ofanana

Иоан 8:19

Сэк Исусыслісь юалісӧ: «Кытӧн Тэнат Айыт?» Исусыс висьталіс: «Тійӧ одӧ тӧдӧ Менӧ, одӧ тӧдӧ Менчим Айӧс. Тӧдіт кӧбы Менӧ, сэк тӧдіт бы и Менчим Айӧс».

Иоан 8:44

Тіян айныт куль, тійӧ керат сы тшӧктӧм сьӧрті. Сія одззасянь ни морт вийись вӧлі. Быльыс дынісь сія ылаліс, и сыын абу быльыс. Сія ассяняс висьталӧ бӧбӧтӧмӧн. Сія эд бӧбӧтчись и бӧбӧтчӧмыслӧн ай.

Осьтӧм 3:9

То, сотана чукӧрсис мукӧдсӧ ме тшӧкта локны тэ дынӧ. Нія асьнысӧ шуӧны иудейезӧн, а нія эд абу иудейез, нія бӧбӧтчиссез. Нія локтасӧ да уськӧтчасӧ тэнат коккезӧ. Нія казяласӧ: Ме тэнӧ радейта.

Иоан 8:51

Тіянлӧ быльсӧ веськыта висьтала: Менам кыв сьӧрті олісьыс некӧр оз кув».

Матвей 11:27

Менам Айӧ быдӧс сетіс Меным. Некин оз тӧд Зонсӧ, тӧдӧ дзир Айыс. Айсӧ некин оз тӧд, дзир Зоныс тӧдӧ. Тӧдӧ и сія, кинлӧ Зоныс осьтас.

1 Иоан 5:10

Ен Зонлӧ веритісьлӧн сія висьталӧмыс сьӧлӧмас. Еныслӧ оз кӧ верит мортыс, сэк Сійӧ пуктӧ бӧбӧтчись туйӧ. Сія мортыс оз верит эд Зоныс йылісь Енлӧн висьталӧмӧ.

Иоан 15:21

Быдӧс сійӧ тіянлӧ керасӧ Менам ним понда сійӧн, мыля озӧ тӧдӧ Сійӧ, Кин Менӧ ыстіс.

1 Иоан 2:22

Бӧбӧтчисьыс сія, кӧда Исуссӧ оз пукты Кристосӧ ─ кӧсйӧм Мездӧтісьӧ. Сія Кристосыс вылӧ лэбтісьлӧ. Сія Айсӧ да Зонсӧ абутӧм туйӧ пуктӧ.

1 Иоан 2:4

Кин баитӧ, ме пӧ Сійӧ тӧда, а ачыс тай оз ов Сы тшӧктӧммез сьӧрті, сія мортыс бӧбӧтчись. Сы пытшкын абу быльыс.

2 Коринфын оліссезлӧ 4:6

Еныс эд тшӧктӧм югйӧвтны пемытінас югытыслӧ. Сія югдӧтіс миянлісь сьӧлӧммезнымӧс, медбы мийӧ Кристос Исус чужӧмын адззим Енлісь югьялӧмсӧ.

Ап. керӧммез 17:23

Ме ветлӧтікам видзӧті копрасяніннэзнытӧ да адззи езъяланін, кӧда вылын гижӧм: "Тӧдтӧм Енлӧ". Тійӧ Сійӧ тӧдтӧг пуктат Енӧ. Ме Сы йылісь тіянлӧ и висьтася.

Иоан 17:25

Веськыта олісь Айӧ! Отирыс Тэнӧ озӧ тӧдӧ, а Ме Тэнӧ тӧда. Пондісӧ тӧдны и Тэнат сетӧммес: Тэ ыстін Менӧ.

Иоан 16:3

Нія озӧ тӧдӧ Айӧс да Менӧ, сійӧн и пондасӧ сідз керны.

Иоан 15:10

Ме кера Айӧ тшӧктӧммез сьӧрті и ола Сы радейтӧмын. Тійӧ пондат кӧ керны Менам тшӧктӧммез сьӧрті, сэк пондат овны Менам радейтӧмын.

Иоан 10:15

Айӧ тӧдӧ Менӧ, сідз и Ме тӧда Айӧс. Ассим оланӧс пукта баляэзӧ понда.

Иоан 8:29

Менӧ Ыстісьыс Мекӧт. Айӧ эз коль Менӧ ӧтнамӧс. Ме эд быдӧс кера Сы сьӧрті».

Иоан 6:46

Енсянь Локтӧмся Айсӧ некин эз адззыв. Дзир Сія адззыліс Айсӧ.

Иоан 1:18

Енсӧ отирыс некӧр эзӧ адззывлӧ. Сійӧ миянлӧ мыччаліс Айыскӧт ӧтлаын олісь ӧтка Зоныс.

Лука 10:22

Велӧтчиссеслӧ Сія висьталіс: «Айӧ быдӧс сетіс Меным. Дзир Айыс тӧдӧ, кин Зоныс. Дзир Зоныс тӧдӧ, кин Айыс. Тӧдӧ и сія, кинлӧ Зоныс осьтас».

Иоан 8:52

Иудейес Сылӧ висьталісӧ: «Ӧні мийӧ тӧдамӧ, Тэ пытшкын сэрпӧсь лов. Авраамыс куліс, Енсянь юӧртіссес кулісӧ. Тэ тай баитан: "Менам кыв сьӧрті олісьыс некӧр оз кув".

1 Иоан 1:6

Шуам кӧ, мийӧ пӧ Сыкӧт ӧтвылісь, а асьным олам пемытінас, сэк мийӧ бӧбӧтчам, огӧ олӧ быльыс сьӧрті.