Иоан 8:52 - Бур Юӧр 2019

⁵² Иудейес Сылӧ висьталісӧ: «Ӧні мийӧ тӧдамӧ, Тэ пытшкын сэрпӧсь лов. Авраамыс куліс, Енсянь юӧртіссес кулісӧ. Тэ тай баитан: "Менам кыв сьӧрті олісьыс некӧр оз кув".

Иоан 8:52 Mawu Ofanana

Матвей 11:18

Локтіс Иоан, оз сёй, оз ю. Сы йылісь шуӧны: "Сы пытшкын сэрпӧсь лов".

Иоан 1:19

Ерусалимись иудейес ыстісӧ вежауджаліссезӧс да левиттэзӧс юавны Иоанлісь, кин сія. И Иоаныс нылӧ висьталіс ас йывсис.

Иоан 14:23

Исусыс сылӧ висьталіс: «Кин Менӧ радейтӧ кӧ, сія олӧ Менам кыввез сьӧрті. И Менам Айӧ пондас радейтны сійӧ. Мийӧ локтамӧ сы дынӧ да пондам овны сы ордын.

Иоан 15:20

Видзӧ юраныт Менчим висьталӧмӧс: раб абу ыджытжык аслас кӧзяинся. Менӧ кӧ вашӧтлісӧ, пондасӧ вашӧтлыны и тіянӧс. Керисӧ кӧ Менам висьталӧм кыв сьӧрті, пондасӧ керны и тіян кыв сьӧрті.

Иоан 17:6

Ме осьті Тэнчит нимтӧ отирыслӧ, кӧднӧ Тэ сетін Меным му вылас. Нія вӧлісӧ Тэнат, Тэ нійӧ сетін Меным. Нія видзсьӧны Тэнат Кыв бердӧ.

Иоан 7:20

Отирыс Сылӧ шуисӧ: «Сэрпӧсь лов Тэ пытшкын! Кин кошшӧ Тэнӧ вийны?»

Иоан 8:22

Сэтчӧ иудейес горӧтчисӧ: «Оз я Сія мӧд Асьсӧ вийны, сідз кӧ баитӧ: "Кытчӧ Ме муна, сэтчин тійӧ одӧ вермӧ локны"».

Иоан 8:48

Сэтчӧ иудейес Исусыслӧ висьталісӧ: «Миян эта висьталӧмным абу я быль: Тэ Самарияись и Тэ пытшкын сэрпӧсь лов?»

Иоан 8:51

Тіянлӧ быльсӧ веськыта висьтала: Менам кыв сьӧрті олісьыс некӧр оз кув».

Иоан 8:55

Тійӧ Сійӧ одӧ тӧдӧ, Ме Сійӧ тӧда. Висьтала кӧ, ог Ме Сійӧ тӧд, сэк лоа тіян кодь бӧбӧтчись. Ме тӧда Сійӧ и кера Сы кыв сьӧрті.

Иоан 9:24

Мӧдпырся корисӧ веськалӧм мортсӧ да висьталісӧ: «Ен одзын висьтав быльсӧ! Мийӧ эд тӧдамӧ: тэнӧ Веськӧтісьыс ─ умӧльсӧ керись морт».

Еврейезлӧ 11:13

Нія быдӧнныс кулӧмась веритіссезӧн. Овтӧнняныс нылӧ кӧсйӧмыс эз вӧв сетӧм. Нія видзчисьӧмась одзланьсясӧ, ылісянь адззӧмась сійӧ да гажӧтчӧмась. Ас йывсиныс баитӧмась, му вылас пӧ мийӧ дзир локтіссез да муніссез.

Еврейезлӧ 2:9

Но мийӧ адззам Исуссӧ: Сія ангеллэзся лажмытжыка вӧлі сувтӧтӧм недыр кежӧ. Сылӧ ковсис кувны быдӧнныс понда. Сідз локтіс отирлӧ Енлӧн бурсетӧмыс. Пессьӧмӧн-мырсьӧмӧн кулӧмыс понда Сія ӧні юркытшалӧм вылына лэбтӧмнас да югьялӧмнас.