Иоан 8:48 - Бур Юӧр 2019

⁴⁸ Сэтчӧ иудейес Исусыслӧ висьталісӧ: «Миян эта висьталӧмным абу я быль: Тэ Самарияись и Тэ пытшкын сэрпӧсь лов?»

Иоан 8:48 Mawu Ofanana

Иоан 7:20

Отирыс Сылӧ шуисӧ: «Сэрпӧсь лов Тэ пытшкын! Кин кошшӧ Тэнӧ вийны?»

Иоан 8:52

Иудейес Сылӧ висьталісӧ: «Ӧні мийӧ тӧдамӧ, Тэ пытшкын сэрпӧсь лов. Авраамыс куліс, Енсянь юӧртіссес кулісӧ. Тэ тай баитан: "Менам кыв сьӧрті олісьыс некӧр оз кув".

Иоан 10:20

Унаӧн ны коласісь баитісӧ: «Мый тійӧ Сійӧ кывзатӧ? Сэрпӧсь лов Сы пытшкын, сійӧн бӧбсорӧн и баитӧ».

Иоан 4:9

Самарияись инька шуис Сылӧ: «Тэ иудей, кыдз верман корны юны менчим, Самарияись инькалісь?» Иудейес озӧ вовлісьӧ Самарияись отиркӧт.

Матвей 15:7

Ылӧтлісь отир! Тіян йылісь Енсянь юӧртісь Исай бура висьтавлӧм:

Матвей 12:24

Фарисейес кылӧмась отирыслісь баитӧмсӧ. Нія шуисӧ: «Сэрпӧсь ловвеслӧн юралісь вельзевул вынӧн Сія вашӧтлӧ сэрпӧсь ловвесӧ».

Матвей 10:25

Велӧтчисьлӧ тырмӧ велӧтісьыс кодьӧдз быдмыны. Кысъялісьлӧ тырмӧ кӧзяиныс кодьӧн лоны. Керкусис кӧзяинсӧ шуисӧ кӧ вельзевулӧн, сылісь гортіссесӧ эшӧ умӧльжыка нимкодяласӧ».

Матвей 10:5

Даскык велӧтчисьсӧ ыстікӧ Исусыс нійӧ велӧтіс: «Енсӧ тӧдтӧм отир дынӧт эд ветлӧтӧ, Самария каррезӧ эд пырӧ.

Яков 2:19

Тэ бурӧ керан, веритан кӧ: Еныс ӧтік. И сэрпӧсь ловвес веритӧны да зэгсьӧны-полӧны.

Римын оліссезлӧ 15:3

Кристосыс эд эз тӧждісь Ас йывсис. Вежа Гижӧтас тай висьталӧм: «Тэнӧ видіссеслӧн видӧммезныс усисӧ Ме вылӧ».

Иоан 13:13

Тійӧ шуат Менӧ Велӧтісьӧн, Дӧсвидзисьӧн. Веськыта висьталіт: Ме былись Сія.

Еврейезлӧ 13:13

Сідзкӧ, петам Исусыс дынӧ кар саяс, медбы и миянлӧ Сы моз новйӧтны сералӧм-умӧльтӧмсӧ.

Матвей 12:31

Сійӧн висьтала тіянлӧ: мортыслісь быд умӧль керӧм, умӧльтӧм проститасӧ. Вежа Лолӧс умӧльтісьсӧ озӧ проститӧ.

Матвей 11:18

Локтіс Иоан, оз сёй, оз ю. Сы йылісь шуӧны: "Сы пытшкын сэрпӧсь лов".

Иоан 1:19

Ерусалимись иудейес ыстісӧ вежауджаліссезӧс да левиттэзӧс юавны Иоанлісь, кин сія. И Иоаныс нылӧ висьталіс ас йывсис.

Иоан 8:22

Сэтчӧ иудейес горӧтчисӧ: «Оз я Сія мӧд Асьсӧ вийны, сідз кӧ баитӧ: "Кытчӧ Ме муна, сэтчин тійӧ одӧ вермӧ локны"».