Иоан 8:44 - Бур Юӧр 2019

⁴⁴ Тіян айныт куль, тійӧ керат сы тшӧктӧм сьӧрті. Сія одззасянь ни морт вийись вӧлі. Быльыс дынісь сія ылаліс, и сыын абу быльыс. Сія ассяняс висьталӧ бӧбӧтӧмӧн. Сія эд бӧбӧтчись и бӧбӧтчӧмыслӧн ай.

Иоан 8:44 Mawu Ofanana

Матвей 12:34

Кый увтыр! Верматӧ я бурсӧ висьтавны, асьныт кӧ лӧгӧсь? Мыйӧн эд мортыс тыртіс сьӧлӧмсӧ, сылӧн ӧмсис сія и петӧ.

Матвей 13:15

Эта йӧзлӧн сьӧлӧмныс чорзьӧм. Пеллезнаныс нія умӧля кылӧны. Нія синнэзнысӧ куньӧмась, озӧ адззӧ. Сьӧлӧмнаныс озӧ вежӧртӧ, Меланьӧ озӧ бергӧтчӧ, медбы Ме нійӧ веськӧті.

Матвей 13:38

Кӧдзӧм муыс ─ быдӧс отирыс. Бур кӧдзысыс ─ Енлӧн отир, ёгтуруныс ─ кульлӧн йӧзыс.

Иоан 6:70

Исусыс сэтчӧ шуис: «Ме Ачым тіянӧс даскыкӧ бӧрйи, но ӧтікыс тіян коласісь куль».

Иоан 7:17

Кин лӧсьӧтчис керны Ен сьӧрті, сія вежӧртас, Енсянь я эта велӧтӧмыс, али Ассяням Ме баита.

Иоан 8:38

Ме тіянлӧ баита сы йылісь, мый Меным мыччаліс Айӧ. А тійӧ керат сійӧ, мый тіянлӧ висьталіс айныт».

Иоан 8:41

Тійӧ кератӧ айнытлісь уджсӧ». Сэтчӧ Сылӧ горӧтчисӧ: «Мийӧ эгӧ шогмӧ кыскасисьсянь. Миян ӧтік Айным ─ Ен».

Иоан 8:55

Тійӧ Сійӧ одӧ тӧдӧ, Ме Сійӧ тӧда. Висьтала кӧ, ог Ме Сійӧ тӧд, сэк лоа тіян кодь бӧбӧтчись. Ме тӧда Сійӧ и кера Сы кыв сьӧрті.

Ап. керӧммез 13:10

Сія Варисусыслӧ висьталіс: «Кульлӧн зон! Тэись дорӧн петӧ ылӧтлӧм-бӧбӧтлӧмыт, лёк керӧмыт! Тэ быд бурыслӧ паныт сувтан! Кӧр тэ дугдан чуклявны Дӧсвидзисьлісь веськыт туйесӧ?

Ап. керӧммез 24:9

Иудейес быдӧнныс шуисӧ, сідз пӧ и вӧлі.

Ап. керӧммез 5:3

Петраыс сэк висьталіс: «Ананий! Мыля лэдзин сотанасӧ юрат пыртны сэтшӧмсӧ: бӧбӧтны Вежа Ловсӧ, сайӧвтны муыс понда босьтӧмсис?

2 Коринфын оліссезлӧ 11:3

Кыйыс тай аслас ылӧтлӧмӧн Евасӧ бӧбӧтӧм. Ме пола, медбы сідз жӧ эз тшык тіян мывкыдныт. Кристосыскӧт тійӧ олат осьта сьӧлӧмӧн. Сія оланісь мӧдӧрӧ эдӧ ылалӧ.

1 Петра 5:8

Олӧ садь юрӧн, пыр лоӧ лӧсьӧтчӧмӧсь. Тіян вылӧ лэбтісисьыс ─ куль. Сія эрзісь лев моз ветлӧтӧ, кошшӧ, кинӧс позьӧ ньылыштны.

2 Петра 2:4

Умӧльсӧ керись ангеллэсӧ Еныс тай абу жалейтӧм. Домалӧм нійӧ пемыт адас домӧттэзӧн. Сэтчин тшӧктӧм видзны Суд Лунӧдз, медбы мыжйыны.

1 Иоан 1:8

Шуам кӧ, абу пӧ миян некытшӧм умӧль керӧм, сідз баитӧмнаным мийӧ асьнымӧс ылӧтлам. Быльыс сэк абу миян пытшкын.

1 Иоан 2:21

Ме тіянлӧ гижа не сійӧн, жыв тійӧ одӧ тӧдӧ быльсӧ. Тійӧ быльсӧ тӧдат, сійӧн и гижи. Тійӧ тӧдат: быльыссянь оз пет бӧбӧтчӧмыс.

1 Иоан 2:4

Кин баитӧ, ме пӧ Сійӧ тӧда, а ачыс тай оз ов Сы тшӧктӧммез сьӧрті, сія мортыс бӧбӧтчись. Сы пытшкын абу быльыс.

1 Иоан 3:12

Эд лоӧ Каиныс кодьӧсь. Сія эд вӧлӧм умӧльыссянь да вийӧм вонсӧ. Мый понда нӧ вийӧм? Воныс сылӧн керӧм бурӧ, Каиныс умӧльӧ.

1 Иоан 3:15

Морт воныс вылӧ кӧ синӧн оз вермы видзӧтны, сэк сія морт вийись. Тӧдат эд: морт вийись пытшкын пырся оланыс абу.

Иуда 1:6

Тӧдат и ангеллэз йылісь. Нія вӧлісӧ вылына пуктӧмӧсь, но нылӧ сетӧмсӧ нія абу видзӧмась да кольӧмась ассиныс оланіннысӧ. Дӧсвидзисьыс нійӧ пемытінас видзӧ пырся домӧттэзын ыджыт Суд Лунӧдз.

Осьтӧм 12:9

Ыджыт гундырсӧ, важ кыйсӧ, шентісӧ му вылас. Сылӧн нимыс ─ куль да сотана. Сія ылӧтлӧ Еныслісь быдӧс аркмӧтӧмсӧ. Сылісь ангеллэсӧ шентісӧ ӧтлаын сыкӧт.

Осьтӧм 13:14

Одзза вӧрпаыс синнэз одзын адззывлытӧм керӧммезнас сія бӧбӧтлӧ отирсӧ. Отирсӧ сія тшӧктӧ керны одзза вӧрпаыс кодьӧ. Сія вӧрпаыс вӧлі кувтӧдз дойдӧм шыпуртӧн да ловзис.

Осьтӧм 2:10

Тэныт ковсяс ёна пессьыны-мырсьыны, но немись эн пов. Тіян коласісь мукӧдсӧ кульыс пондас кутлыны, пуксьӧтлыны, медбы тӧдмавны-видзӧтны тіянлісь видзсян выннытӧ. Дас лун тійӧ пондат пессьыны. Но тэ нельки кувтӧдз видзсьы веритӧмнат, и Ме сета тэныт Олан юркытш.

Осьтӧм 21:8

Поліссес, мӧдӧрӧ ылаліссес, сэрпӧссес, морт вийиссес, кыскасиссес, тшыкӧтчиссес, ас керӧм еннэзлӧ копрасиссес да быдӧс бӧбӧтчиссес сюрасӧ биӧн сотчан истӧгись тыӧ. Сія ─ мӧдпырись кулӧмыс».

Осьтӧм 22:15

Сэрпӧсь поннэс, тшыкӧтчиссес, кыскасиссес, морт вийиссес, ас керӧм еннэзлӧ копрасиссес, ылӧтлӧмсӧ радейтіссес да бӧбӧтчиссес карас озӧ пырӧ.

Осьтӧм 9:11

Ны вылын юралісьнас вӧлі пыдӧстӧминісь ангел. Еврей кыв вылын сылӧн нимыс вӧлі Авадон, грек кыв вылын сія лоӧ Аполион.